Uzun illər əvvəl yaşamış Rusiyanın məşhur sərkərdəsi Aleksandr Nevskiyə məxsus olan bu şlem Kremldə, Silah Palatasında saxlanılır. Ancaq şlemin üzərində Quran ayəsinin yazılması hamıda təəccüb doğurur.

Orada Səff surəsinin 13-cü ayəsi yazılıb: «Allah tərəfindən kömək və yaxın qələbə. Möminləri (bununla) müjdələ».

Silah Palatasında şlemdə yazılan cümlə tərcümə edilərkən «Allah» sözü «Tanrı» («Boq») sözü ilə əvəzlənib. Bu dəyişikliyin nə üçün edildiyi isə müəmma olaraq qalır.

Qeyd edək ki, Aleksandr Yaroslavoviç Nevskiy (1221-1263) – 1236-51-ci illərdə Novqorod knyazı, 1252-ci ildən isə Vladimirskinin böyük knyazı olub.

Faktxeber