Ahlibeyt.ge xəbər verir ki, ötən gün Tbilisidə Poniçala qəsəbəsində yerləşən Əhli-Beyt (ə) adına məsciddə axşam namazından sonra Məbəs bayramı ilə əlaqədar mərasim keçirildi.

Kərbəlayi Rza Cəfərinin Quran tilavət etməsi ilə başlayan mərasimdə Gürcüstan Müsəlmanları İdarəsinin şeyxi Hacı Ramin İgidov, Əhli-Beyt (ə) adına Məscidin axundu Hacı Rahid Kərimov çıxış edərək Məbəs bayramı ilə əlaqədar möminləri məlumatlandırdı, Hz. Peyğəmbərin fəzilət, məqam, risalət və sifarişləri barədə söhbətlər etdilər.

Mərasimə qonaq olan Badi-kubə ilahilər qrupunun üzvləri Hz. Peyğəmbərin (s) şəninə qəsidə və ilahilər söylədilər.

Mərasim bayram süfrəsi və dua ilə sona çatdı.

Allah belə mərasimlərin təşkilində zəhməti keçən hər kəsdən qəbul etsin. Amin!