Ahlibeyt.ge xəbər verir ki, ötən gün Gürcüstanın bir çox bölgələrində, rayon və kəndlərdə, məscidlərdə dinimizin kamil olduğu və nemətin tamamlandığı gün olan "Qədir-xum" bayramı ilə əlaqədar mərasimlər təşkil olunur, bayram süfrələri açılır. Allah belə tədbirlərin təşkil olunmasında zəhmət çəkən hər kəsdən qəbul etsin.
Dini mərasimləri ölkəmizin müxtəlif yerlərində keçirilməsini proqramlaşdıran Gürcüstan Müsəlmanları İdarəsi bu bayramı, Qardabaninin Muğanlı, ötən gün isə Ağbulaq rayonunu Kosalar kəndində yerli sakinlərin və inanclıların iştirakı ilə qeyd etdi.
Qurani-Kərimin tilavəti ilə açılan mərasimlərdə “Qədir-xum” bayramının mənası, tarixi həqiqəti, əhəmiyyəti və önəmi və eləcə də İslam ümmətinin vəhdətinin zəruriliyi haqda din xadimləri məclis iştirakçılarını məlumatlandırdı. Peyğəmbərimizin (s) sifariş və vəsiyyəti müsəlmanlara xatırladıldı.