Ahlibeyt.ge xəbər verir ki, bu gün Marneuli şəhəri İmam Hüseyn (ə) məscidində Həzrəti Peyğəmbərin (s) vəfatı, İmam Həsən (ə) şəhadəti və İmam Rza (ə) şəhadəti münasibəti ilə İmam Rza (ə) adına mədrəsənin təşkilatçılığı ilə əza mərasimi keçirildi.

Mərasim Qarei-Quran, Kərbəlayi Fuad İsayevin Quran tilavəti ilə açıq elan olundu. Mərasimin davamında İmam-cümə, İmam Hüseyn (ə) məscidinin axundu Hacı Əziz Nəbiyev çıxış edərək müsəlmanlara təsiliyyət ərz etdi və İmam Rza (ə)-dan bir hədis nəql edərək sonra hədisi şərh etdi. xütbəsinin davamında buyurdu ki, məhərrəm, səfər ayları müsəlmanlar üçün ən kədərli aylardandır.

Sonra Al-Mustafa Unversitetinin Gürcüstandakı nümayəndəsi Hacı Davud Zarii öz növbəsində çıxış edərək İmam Rza (ə) ziyarətinin fəzilətindən və o fəzilətə necə nail olmasından danışdı.

Məclisin sonunda Hacı Rahid rövzə və mərsiyyələr oxudu və ehsan süfrəsilə məclis yekunlaşdı.