İmam Rzanın (ə) və Hz. Məsumənin (s.ə) mübarək mövludları münasibəti ilə mövlud tədbiri keçirildi (Foto)

Mьəllif: Admin

Tarix: 20-06-2021, 19:24

Bu gün "Gürcüstan Əhli-beyt (ə) cəmiyyəti"nin təşkilatçılığı ilə İmam Rzanın (ə) və Hz. Məsumənin (s.ə) mübarək mövludları münasibəti ilə Əhli-beyt (ə) cəmiyyətində dərs alan və ətraf bölgələrdən gələn az yaşlı tələbələrin həmçinin onların valideyinlərinin və müəllimlərinin iştirakı ilə mövlud tədbiri keçirildi.

Ahlibeyt.ge xəbər verir ki, Kərbəlayi Tural Hüseynovun aparcılığı ilə baş tutan tədbir, Əhli-beyt (ə) məddahı Kərbəlayi Rza Cəfərinin Quran tilavəti ilə açıq elan olundu.

Tədbirdə Əhli-beyt (ə) cəmiyyətinin Müəllimi ilahiyyatçı Elçin Daşdanoğlu çıxış edərək İmam Rzanın (ə) fəzilət, məqamından danışdı və O, həzrətin ziyarətinin faydasına işarə etdi.

Sonra çıxış edən Əhli-beyt (ə) cəmiyyətinin təhsil şöbəsinin məsulu Elçin Məmmədov valideyinlərə cəmiyyətdəki dərs proqramları haqqında geniş məlumat verdi.

Həmçinin cəmiyyətin müəlliməsi olan Esmira Nəsibova Hz. Məsumənin (s.ə) həyatından danışaraq, insanlara nümunə olmasına toxundu.

Tədbirdə qonaq olan Əhli-beyt (ə) məddahı Kərbəlayi Said Həsən İmam Rzanın (ə) şəninə surudlar ifa etdi.

Həmçinin tələbələrin bir qismi şeirlər, hədislər, şüarlar səsləndirdilər.

Tədbir dualar oxunması və ziyafət süfərəsi ilə tamam oldu.

« Oktyabr 2024 »

Ça