Bu gün "Əhli-Beyt (ə) Cəmiyyəti" nin və "Əhli-Beyt Aşiqləri" Forumunun birgə təşkilatçılığı ilə Marneulidə, "Əhli-Beyt (ə)" Hüseyniyyəsində Böyük İslam Peyğəmbəri Hz. Muhəmmədin (s) rehləti və İmam Həsən Müctəbanın (ə) şəhadəti münasibətiylə matəm mərasimi keçirildi.
Tədbir Elçin Daşdanzadə tərəfindən açıq elan olunduqdan sonra, Fuad Isayev tərərfindən Quran tilavət olundu.
Sonra söz Turkiyədən təşrif buyurmuş Əhli-Beyt (ə) alimləri birliyinin üzvü və on4 tv kanalının müdürü Musa Aydın hocamıza verildi. Cənab Musa Aydın Rəsuli-Əkrəmin (s) Qurandakı yüksək səviyyəli məqamından və Əhlibeytə (ə) edilmiş zülmlərdən danışdı.
Daha sonra söz Bakıdan təşrif buyurmuş Əhli-Beyt (ə) məddahı Seyid Taleh Boradigahiyə verildi. Məddah Peyğəmbər (s) və Əhli-Beyt (ə) şəninə şerlər və mərsiyələr oxudu.
Musa Aydın hocamız dünya və axirətimiz üçün nurani dualar etdi.
Matəm mərasimi Elçin Daşdanzadənin oxuduğu Fərəc duası ilə başa çatdı.


ahlibeyt.ge