Bu gün Marneuli şəhərində yerləşən Əhli-Beyt (ə) Hüseyniyyəsində Əhli-Beyt (ə) Cəmiyyətinin nəzdində fəaliyyət göstərən Əhli-Beyt (ə) Aşiqləri Forumunun həftəlik toplantısı olub.

Quran tilavəti ilə açılan toplantıda aparıcı Elçin Daşdanzadə iştirakçıları salamlayaraq sözü Əhli-Beyt (ə) Cəmiyyətinin sədri Hacı Rasim Məmmədova verib. Cənab Hacı Rasim Əhli-Beyt (ə) Aşiqləri Forumunun yaradılması səbəblərindən, qayə və hədəflərindən danışıb.

Cənab Hacı Rasim Forumun fəaliyyət perspektivində Qədir-Xum, Aşura və Zühur fenomenlərini özünə ülgü götürdüyünü vurğulayıb.

Forumun adının Şura surəsinin 23-cü "... Sizdən bunun müqabilində yaxınlarıma məhəbbətdən başqa bir muzd istəmirəm..." ayəsindən qaynaqlandığını bildirib Hacı Rasim.

Əhli-Beyt (ə) məktəbinin Gürcüstanda qədim tarixə malik olduğunu deyən Hacı Rasim, sözlərini Əhli-Beyt (ə) Aşiqləri Forumunda əməyi keçən şəxslərə təşəkkür ilə yekunlaşdırıb.

Daha sonra, toplantı iştirakçılarından Axund Hacı Fəxrəddin, həkim Hacı Novruz, Seyyid Fariz və Məşədi Azər çıxış edərək öz ürək sözlərini bildiriblər və Əhli-Beyt (ə) Aşiqləri Forumuna müvəffəqiyyət və uğur arzulayıblar.

Əhli-Beyt (ə) Aşiqləri Forumunun həftəlik toplantısı "Fərəc" duasının oxunması ilə yekunlaşıb.










Ahlibeyt.ge