Bu gün Gürcüstanın Marneuli şəhərində Əhli-Beyt (ə) Cəmiyyəti və həmin cəmiyyətin nəzdində fəaliyyət göstərən Əhli-Beyt (ə) Aşiqləri Forumunun birgə təşkilatçılığı ilə Böyük İslam Peyğəmbərinə (s) ithafən qanvermə aksiyası keçirilib. Xeyriyyə məqsədli "Qan verək, həyat bəxş edək" devizi ilə təşkil olunan aksiyada könüllü olaraq 50-dən çox şəxs qan veribdir. Toplanan qanların ümumi həcmi təxminən 25 litr olubdur.

Aksiaya barədə müxbirimizə məlumat verən, Əhli-Beyt (ə) Cəmiyyətinin sədri Hacı Rasim Məmmədov bildirib ki, "bu cür xeyriyyə aksiyaları təşkil etməkdə məqsəd İslam dini və müsəlman ümmətinin xeyirxah və insansevər olduğunu isbat etməkdir. Bizim şüarımız budur: Dinindən və milliyyətindən asılı olmayaraq qanımız hər kəsə hədiyyə olsun".

Qeyd edək ki, Allah rizası üçün toplanan qanlar, təmannasız olaraq müxtəlif ehtiyac sahibi xəstələrə sərf olunacaq.




Ahlibeyt.ge