Bu gün Əhli-Beyt (ə) Cəmiyyətinin nəzdində fəaliyyət göstərən Əhli-Beyt (ə) Aşiqləri Forumunun həftəlik toplantısı olub. Əhli-Beyt (ə) Hüseyniyyəsində baş tutan toplantı Fuad İsayevin oxuduğu Quran tilavəti ilə açılıb. Toplantının aparıcısı ilahiyyatçı Elçin Daşdanzadə Forumun üzvlərini salamlayıb və sözü Bakı şəhərindən təşrif buyurmuş Qum Elmiyyə Hövzəsinin məzunu tanınmış ilahiyyatçı Hacı İlham Əliyevə verib.

Hacı İlham öz çıxışında Quran, hədis və rəvayətlərdən nümunələr gətirərək, Böyük İslam Peyğəmbərinin (s) yüksək əxlaqi fəzilətlərindən və uca məqamından bəhs edib. Hacı vurğulayıb ki, biz də öz həyatımızda Rəsuli-Əkrəmi (s) örnək almalıyıq və İslam əxlaqına müvafiq şəkildə öz davranışlarımızı qaydaya salmalıyıq.

Məclis, Elçin Daşdanzadə tərəfindən oxunan "Fərəc" duası və çay süfrəsi ilə yekunlaşıb.











Ahlibeyt.ge