Bu gün Marneuli rayonu Candar kəndində yerləşən İmam Cəfər Sadiq (ə) məscidi və Əhli-Beyt (ə) Cəmiyyətinin nəzdində fəaliyyət göstərən Əhli-Beyt (ə) Aşiqləri Forumu və Zeynəb (s) Qadınlar Birliyinin birgə təşkilatçılığı ilə həmin Məsciddə İmam Hüseyn (ə), Hz Əbəlfəzl Abbas və İmam Səccad (ə)-ın mübarək təvəllüdləri münasibəti ilə bayram tədbiri keçirildi.

Tətbirin aparıcısı Fuad isayev məclis iştirakçılarını salamladıqdan sonra məclis Quran qaresi Rza Cəfərinin oxuduğu Quran tilavəti ilə açılıb.

Sonra söz məscidin axundu Nəsimi Mənsurzadəyə verilib. Kərbəlayi Nəsimi məclis iştirakçılarını salamlayıb və təbrik edərək təşrif buyurduqları üçün təşəkkürünü bildirib.

Tədbirin davamında söz çıxış etmək üçün Zol-Güvəc kəndinin axundu Hacı İfrət Əhmədova verilib. Hacı İfrət Quran və hədislər işığında imamətin zərurətindən və məntiqə dayanaraq imamətin əhəmiyyətindən danışıb.

Azyaşlı Əbəlfəzin Elşən Xəzərin "Qeyrət" şeirini xüsusi həvəs və məharətlə səsləndirməsi alqışlarla qarşılanıb.

Daha sonra Laqodexi rayonunun axundu Kamran Abbasov İmam Hüseynə (ə) və dindar gənclərdən olan Emin Qəlbinur isə Hz Abbasa həsr etdiyi şerilərini oxuyub.

"Fərəc" duasının oxunması ilə başa çatan məclisin rəsmi hissəsindən sonra ehsan süfrəsi açılb.



Ahlibeyt.ge