Bu gün Gürcüstan Əhli-Beyt (ə) Cəmiyyətinin Hüseyniyyəsində həmin cəmiyyətin nəzdində fəaliyət göstərən Əhli-Beyt (ə) Aşiqlər Forumu və " Zeynəb (s.ə)" Qadınlar Birliyinin birgə təşkilatçılğı ilə əziz Peyğəmbərin (ə) son canişi , əsrimizin İmam Məhdi Sahibəzzamnın mübarək mövludu münasibəti ilə bayram tədbiri keçirildi.
Tədbirin aparıcısı Fuad isa məclis iştirakçılarını salamlayıb təbrik etdikdən sonra Fərəc duası ilə məclisi açıq elan etdi. Sonra Rza Cəfərinin Quran tilavəti ilə məclis davam etdi.
Bakı şəhərindən təşrif buyuran Əhli-Beyt (ə) məddahı Seyyid Taleh Boradigahi İmam Zamanın şəninə şer və ilahilər səsləndirdi.
Məclisin davamında Marneuli imam Əli (ə) məscidinin dəyərli axundu Hacı Hacıyev Zəmanəmizin İmamı ilə rabitə haqda cıxış etdi.
Daha sonra yenə Seyyid Taleh Boradigahi Əhli-Beyt (ə) şəninə şer və ilahilər ifa etdi.
"Fərəc" duasının oxunması ilə başa çatan məclisin rəsmi hissəsindən sonra ehsan süfrəsi açılb.