Bu gün Gürcüstan Əhli Beyt (ə) dini və mədəni maarif cəmiyyəti nəzdində fəaliyyət göstərən “Zeynəb (ə)” Qadınlar Birliyi “Kəramətli günlər”, yəni İmam Rza (ə) və onun bacısı ,Əhli Beyt (ə) kəriməsi Xanim Məsumənin mübarək mövludları münasibəti ilə tədbir qeyd etdi.
Tədbirin aparıcısı Sevinc Namazova gələn qonaqları salamlayıb, təbrik etdikdən sonra məclisi acıq elan etdi. Sonra Hafizə Hüseynovanın Quran tilavəti ilə məclis davam etdi.
“Zeynəb (ə)” Qadınlar Birliyinin müəlliməsi Esmira Nəsibova məclis iştirakçılarını təbrik edib İmam Rza (ə) və Xanım Məsumənin fəzilət və üstünlüyündən danışdı.
Daha sonra İslam ideologiya və fəlsəfə üzrə ilahiyyatçı Nahidə Hacıyeva xanım Məsümə, onun həyatı, elmi və ibadəti ilə bağlı geniş məlumat verdi.
Məclisinin davamında “Zeynəb (ə)” Qadınlar Birliyinin müəlliməsi Rəna Elçiyeva əqlin, elmin və təfəkkürün üstünlüyünü Peyğəmbər (s) və İmam Rzanın (ə) hədisləri ilə açıqladı.
Məclisdə eyni zamanda Əhli Beytin (ə) şəninə hazırlanmış ilahi və Gürcüstan Əhli Beyt (ə) cəmiyyətinin təşkil etdiyi ziyarətlərdən hazırlanmış video roliklər nümayiş etdirildi.
Tədbir ehsan süfrəsi ilə yekunlaşdı.