Bu gün,23.10.2015 tarixində, Gürcüstanın Qardabanı rayonunda TASUA yürüşü qeyd olundu. Bu yürüşdə İmam Hüseyn (ə),onun silahdaşları və onların müqəddəs amalını yad etmək məqsədi ilə, Qardabani rayonuna Rustavi şəhəri,Birlik,Təzə kənd,Botanika və digər kəndlərdən mömin və inanclı qardaş və bacılar təşrif gətirdilər. Qardabanı rayonunun baş axundu Rasim Qasımov,digər yerli Ruhanilər və möminlərin təşkilatçılığı və hamkarlığı ilə təşkil olunmuş yürüş, mərsiyə deyilib,sinə vurmaqla rayonun girişindən başladı və mərkəzi küçə ilə məscidə qədər davam etdi. Daha sonra məscidin axundu Rasim Qasımov İmam Hüseynin (ə) Kərbəla qiyamından məqsədini açıqladı. Sonda isə könüllü olanlar, İmam Hüseynin (ə) uca məqsədini,haqqsevər və insansevərliyini yad etmək niyyəti ilə,qanvermə aksiyasında iştirak etdilər.



ahli-beyt.ge