Oktyabrın 22 (Məhərrəmin 8-ci günü) Əhli-beyt Cəmiyyətində Ali-Taha (Gürcüstanın Qumda təhsil alan tələbələr birliyi) və Əhli-beyt Cəmiyyətinin birgə təşəbbüsü ilə "AŞURA MƏKTƏBİ" adlı seminar keçirildi.
Tədbir Fuad İsayevin Quran tilavəti ilə başladı. Aparıcı Fariz İsmailov (Əl-Mustafa beynəlxalq universitetinin tarix fakultəsinin magistr tələbəsi) ilk öncə "ALİ-TAHA" təşkilatı haqqında auditoriyaya qısa məlumat verdikdan sonra sözü seminarin ilk spikeri Bəşər Məmmədova verdi. Bəşər Məmmədov (Əl-Mustafa beynəlxalq universitetinin fəlsəfə fakultəsinin magistr tələbəsi) "Kərbəlanın siyasi və ictimai təsirləri" mövzusunda auditoriyanı məlumatlandırdı.
Növbəti çıxış isə "İmam Huseyin (ə) və insan haqları" mövzusunda çıxış etmək üçün Kamran Məmmədova (Tehran universitetinin beynəlxalq hüquq fakultəsinin və Əl-Mustafa beynəlxalq universitetinin fəlsəfə fakultəsinin magistr tələbəsi) verildi. Tədbirin son spikeri, Elçin Cəfərli (Əl-Mustafa beynəlxalq universitetinin sxolostika (əqaid) fakultəsinin bakalavr tələbəsi) isə "Aşuranın görünməyən tərəfləri" mövzusunda çıxış etdi. Sonda isə tədbir iştirakçılarına təşkilatçılar tərəfindən təşəkkür edilərək tədbir sona çatdı.


Ahlibeyt.ge