55 Nəfərlik heyətlə eşq səfərində olan Ərbəin zəvvarları 10 Dekabr 2015 Tarixində Gürcüstana qayıtdılar. 15 gün səfərdə olan qrupun rəhbəri Niyazi İsmayılov saytımızın müsahibi oldu. O bildirdi ki " Bildiyiniz kimi Gürcüstandan ilk dəfədir ki böyük heyətlə Ərbəin səfəri təşkil olundu. Böyük maneələr çıxmasına baxmayaraq səfərin baş tutmasını təşkilatçı olan Ümum Gürcüstan Müsəlmanları Ali Dini İdarəsinin və bütün Hüseyn (ə) aşiqlərinin uğuru hesab edirəm. Səfər, çox mənalı, nurani və gözəl keçdi. Səfərin bəzi çətinlikləri o qədər şirin idi ki 3 gün keçməsinə baxmayaraq Hüseyn (ə) yolunda olan o şirin çətinliklər üçün darıxıram. Əminəm ki bütün zəvvarlar da bu hissi yaşayır. Ərbəin ziyarəti bütün ziyarətlərdən fərqlidir. Yaxın dostum bu ziyarəti "aşiqlərin həcci" adlandırdı. Biz hər il çalışacıq ki bu eşq səfəri olan "aşiqlərin həccini" təşkil edək və imam Hüseynin (ə) yolunda az da olsa xidmətçilərdən olaq. Allah gələn ərbəində getməyən mömin qardaşlarımıza bu ziyarəti nəsib etsin."
Əliövsət Əliabbasov.
Mgeo.ge