Qəbrimizdən hansı halda çıxacağıq?

Mьəllif: admin1

Tarix: 10-04-2021, 10:03

Qiyamətin ən dəhşətli anlarından biri insanın qəbrindən çıxması anıdır. Bu saat – həyatının üç ən ağır saatlarından biri hesab olunur.

Allah Təala Quranda buyurur: “Belə isə (dəlil-sübut tamamlandıqdan sonra onlarla mücadilə etmə, əksinə) onları burax ki, vəd verilən günə qovuşanadək (öz tüğyankarlıqlarının girdabında) batsınlar və oynayıb-əylənsinlər.

O gün ki, onlar qoyulmuş əlamətlərə sarı sürətlə hərəkət edənlər kimi öz qəbirlərindən tələsik çıxarlar. Gözləri yerə dikildiyi halda (böyük bir) zillət və xarlıq onları bürüyər. Budur onlara vəd verilmiş gün”. (“Məaric” 42-44).

İbn Məsud nəql edir ki, mən İmam Əlinin (ə) xidmətində idim və Həzrət (ə) buyurdu: “Həqiqətən Qiyamətdə 50 dayanacaq vardır və hər bir dayanacaq 1000 ildir.

Birinci dayanacaq qəbirdən çıxmaqdır ki, min il paltarsız bədən və yalın ayaqla ac və susuz halda bir yerdə saxlayarlar. Ona görə də hər kim qəbrindən Allaha, behiştdə, cəhənnəmə, besətə, hesaba, Qiyamətə imanla çıxar, Allahı və Peyğəmbəri (s) etiraf edər – susuzluq və aclıqdan nicat tapar”.

İmam Əli (ə) “Nəhcul-bəlağə”də buyurur: “O gün ki, Allah ilk və son xəlqini hesab vermək üçün bir yerdə toplayacaqdır, o gündə insanların halı belədir ki, müti və təvazö ilə dayanarlar.

Tərləri ağızlarına qədər çatar və yer onları çətinliklə yerləşdirər. İnsanların içində o kəsin halı daha yaxşıdır ki, addım atmaq üçün yeri olsun. Kifayət qədər nəfəs almağa qadir olsun”.

Həzrət Peyğəmbər (s) buyurur: “O kəsin ki, Əlinin (ə) vilayətinə şəkki olar, Qiyamət günü o halda məhşur olar ki, boynunda atəşdən yaxalıq olar ki, 300 şöbəsi olar. Hər bir şöbəsində şeytan olar ki, ona üzünü turşudar və üzünə tüpürər”.

İmam Baqir (ə) buyurur: “Allah Təala Qiyamət günü insanları qəbirlərindən çıxardar ki, əlləri boyunlarında bağlanmışdır. O həddə ki, ən kiçik gücə malik deyildirlər.

Mələklər onları məzəmmət edərək deyər: “Bunlar o insanlardır ki, mallarında olan Allahın haqqını verməyiblər””.

Həzrət Peyğəmbərdən (s) gələn hədisdə oxuyuruq ki, hər kim həyatda söz gəzdirən olar, Allah qəbrində atəşi ona hakim edər ki, Qiyamətə qədər onu yandırsın.

Qəbrindən çıxan zaman Allah, dörd qara iri ilanı ona hakim edər ki, ətini dişləri ilə qopartsınlar o zamana qədər ki, cəhənnəmə daxil olar.

Bəs hansı əməllər bizə yardım edə bilər?

1. Hər kim cənazəni müşayiət edər, Allah Təala mələyi ona hakim edər ki, onunla birlikdə olsun və onu qəbrindən Qiyamət gününə qədər müşayiət etsin.

2. Hər kim möminin qəmini aradan aparar.

3. Hər kim mömin qardaşına qış və ya yay paltarı geyindirər.

4. Hər kim Şəban ayında 1000 dəfə deyər: “Lə iləhə illəllah və lə nə’budu illə iyyəhu muxlisinə ləhud-dinə və ləv kərihəl muşrikun”.

5. Ramazan ayının əvvəllərində “Cövşən Kəbir” duasını oxumaq.

/Deyerler.org/

« Noyabr 2024 »

Ça