Yaxşılığın 4 xəzinəsi, onları əldə etmək olduqca asandır

Mьəllif: admin1

Tarix: 12-06-2022, 09:44

Yaxşılığın 4 xəzinəsi, onları əldə etmək olduqca asandır

Allahın insanlara göstərişləri əmrlər və nəhylərdən ibarətdir. Əmrlər hər hansı bir əməli yerinə yetirməyin tələb olunduğunu, nəhylər isə müəyyən bir əməlin tərkini tələb edir.

Əslində oruc tutmaq da ikinci qismə aiddir. Yəni bəndə imsak zamanından iftara qədər adi günlərdə etdiyi işlərdən çəkinməklə oruc adlı ibadəti etmiş olur.

Allahın buyurduğu bir sıra göstərişlər də belədir. Onları əldə etmək üçün nəyisə yerinə yetirmək lazım deyil, sadəcə olaraq bəzi məsələləri tərk etmək lazımdır.

Şeyx Mufid əl-Əmali əsərində İmam Baqirdən maraqlı bir hədisi nəql edir ki, orada da 4 əməli tərk etmək yaxşılığın xəzinələri kimi qələmə verilir. Bəndə 4 mənfi xüsusiyyəti gizlətməklə yaxşılığın xəzinələrinə sahib olmuş olur.

İmam Baqir (s) buyurur:

“Dörd şey var ki, yaxşılığın xəzinələrindəndir: İnsanın öz ehtiyacını gizlətməlidir (və el-aləmə yaymamalıdır), Verdiyiniz sədəqəni gizlətmək (digərləri bilsin deyə onu aşkarda verməmək gizlində vermək və bəlli etməmək), Ağrı-acını gizlətmək (insan ahu-zar etməməlidir), Müsibəti gizlətmək (müsibətə düçar olduğunu göstərib özünü həddən artıq məzlum kimi göstərmək də möminə yaraşmır)

Göründüyü kimi hər 4 göstərişdə tərk etmək var. Bu tərklər baş tutduqda insan yaxşılığın xəzinələrinə yol açır.

« Dekabr 2024 »

Ça