Bir xristianı Müsəlman edən ayə

Mьəllif: admin1

Tarix: 6-12-2021, 11:22

Zəkəriyya ibn İbrahim belə deyir:
"Mən bir xristian idim, müsəlman oldum. Daha sonra həcc mərasiminə qatılmaq üçün Məkkəyə doğru hərəkət etdim.

Orada İmam Sadiqin (ə) hüzuruna yetişdim. İmama (ə): "Mən bir Məsihi (xristian) idim, sonra Müsəlman oldum." - dedim.

İmam (ə): "Müsəlman olmağına səbəb nə oldu?" - deyə soruşdu.

Zəkəriyya belə dedi: "Bu ayə hidayət yolunu tapmağıma səbəb oldu:

"Sən, kitab nədir, iman nədir bilməzdin. Ancaq, biz onu bir nur etdik; onunla qullarımızdan istədiyimiz kəsi doğru yola yönəldərik. "[1]

Bu ayə ilə İslamın kamil bir din olduğunu anladım. Məktəb və mədrəsəyə getməyən birini bu cür sözlər söyləməsi mümkün deyil. Gərək ona vəhy edilsin."

İmam (ə) "Həqiqətən Allah (c.c) səni hidayət etmişdir." - buyurdu.

Sonra İmam (ə) üç dəfə belə buyurdu: "Allahım, onu (iman yoluna) hidayət et."

İmam (ə) daha sonra; "Övladım, hər nə istəyirsən (soruşacağın nə varsa) soruş!" - buyurdu.

Zəkəriyya - "Atam, anam və bütün ailəm məsihidirlər. Anam də kordur. Görəsən mən onlarla yaşamaq məcburiyyətində olduğuma görə onların qablarında yemək yeyə bilərəmmi?" - deyə soruşdu.

İmam (ə) "Onlar donuz əti yeyirlərmi?" - deyə soruşdu.

Zəkəriyyan "Xeyir, ona əllərini belə vurmurlar." - dedi.

İmam (ə) "Onlarla birlikdə ol! Qorxusu yoxdur. Xüsusilə anana qarşı çox şəfqətli ol, ölərsə onu başqasına etibar etmə (özün dəfn et). Minada mənim yanıma gələnə qədər, yanıma gəldiyini heç kimə demə. " - dedi.

Zəkəriyya deyir ki, Minada İmamın hüzuruna yetişdim. Xalq məktəb uşaqları (şagirdlər) kimi onun ətrafını yığışıb sual verirdilər.

Kufəyə qayıdanda, anama qarşı çox şəfqətli davrandım. Bir gün anam belə dedi: "Oğlum! Sən bizim dinimizdə olduğun müddətcə, mənə qarşı belə davranmırdın! İndi belə davranmağına səbəb olan nədir? "

Zəkəriyya "Allahın Peyğəmbərlərindən birinin Əhli-Beytindən olan bir şəxs, mənə belə davranmağı əmr etmişdir." - dedi.

Zəkəriyyanin anası "O şəxs peyğəmbər ola bilərmi?" - deyə soruşdu.

Zəkəriyya, "Xeyr, o, peyğəmbərin nəvəsidir." - dedi.

Zəkəriyyanın anası, "O şəxs Peyğəmbər olmalıdır. Çünki, bu cür tövsiyələr Peyğəmbərlərə məxsusdur. " - dedi.

Zəkəriyya "Xeyir ana! Bizim Peyğəmbərdən sonra başqa bir Peyğəmbər gəlməyəcək, o Peyğəmbərin nəvəsidir. " - dedi.

Zəkəriyyanın anası, "Sənin dinin, dinlərin ən yaxşısıdır, o dini mənə öyrət!" - dedi.

Zəkəriyya deyir ki, "Mən kəlmeyi şəhadəti ona öyrətdim; günorta, əsr, şam və işa namazlarını qıldıqdan sonra belə dedi:

"Gözümün nuru! Mənə dediyini təkrarla! "Mən kəlmeyi şəhadəti təkrar ona söylədim; o da o anda dünyaya gözlərini yumdu. Səhər Müsəlmanlar ona qüsl verdilər, mən də ona namaz qıldım və onu qəbrinə qoydum." [2]

[1] - "Şura", 52.

[2] - Biharul- Ənvar, c. 47, s. 374.

« Noyabr 2024 »

Ça