Allahın razılığını əldə etməyin yolları

Mьəllif: admin1

Tarix: 9-05-2021, 18:44

İlahi rizanı əldə etməyə səbəb olan amilləri tanıyaq:
1. İman və saleh əməl.

Qurani-Kərimdə buyurulur: “Onların Rəbbi yanındakı mükafatları (evlərinin və ağaclarının) altından çaylar axan Ədn cənnətləridir. Onlar orada əbədi qalacaqlar. Allah onlardan razıdır və onlar da Allahdan razıdırlar. Bu (mükafat) öz Rəbbindən qorxan kəslər üçündür”. (“Bəyyinə” 8).

Şübhəsiz ki, İlahi razılığı əldə etməyin yolu – Allahın əmrlərinə əməl etmək, eləcə də Əhli-Beytə (ə) itaət etməklə əldə olunasıdır.

İmam Sadiq (ə) buyurur: “Bilin ki, heç kəs İlahi rizaya şamil olmaz, məgər Ona itaət, Peyğəmbərinə (s) itaət və Ali-Muhəmməddən (ə) olan İmamlara itaətlə”.

2. Təbərra. Hədislərin birində Peyğəmbər (s) buyurur: “İsa ibn Məryəm (ə) həvarilərinə buyurur: “Elə bir iş görün ki, Allah yanında məhbub olun və Allaha yaxınlaşın”.

Deyirlər: “Ey Ruhullah! Allah yanında necə məhbub olub, Ona yaxınlaşaq?”.

Buyurur: “Günah əhlinə nifrət edərək və onlarla düşmənçilik edərək, İlahi razılığı istəyin”.

İmam Rza (ə) buyurur: “Bizim davamçılarımız o kəslərdir ki, bizim əmr və qadağalarımıza təslim olarlar. Bizim dediklərimizi həyatlarının sərlövhəsi qərar verərlər. Bizim düşmənlərimizlə müxalif olarlar. Hər kim belə olmaz, bizdən deyildir”.

3. İlahi təqdirə razı olmaq. Əmirəl-möminin (ə) buyurur: “Sübhan Allahın bəndədən razılıq nişanəsi, bəndənin Allahın onun üçün təqdir etdiklərinə razı olmasındadır, istər onun xoşuna gəlsin, istərsə də gəlməsin”.

“Allah (Öz ənənəvi qanunlarına əsasən) bir qövmə verdiyi neməti onlar özlərində olanı (saleh halları) dəyişməyincə, dəyişdirmir (onlardan almır)”.
(“Ənfal” 53).

O insan ki, əlini əlinin üstünə qoyub deyir ki, hər nə təqdir olar, elə həmin o şey də olacaqdır – bu insan aldanmışdır. Əgər insan İlahi təqdirdən gileylənərsə və arzu edərsə ki, ey kaş, belə olmasaydı – gərək bilsin ki, Allah da ondan elə bu qədər narazıdır.

Beləliklə deyə bilərik ki, İlahi razılığı əldə etməyin şah açarı odur ki, Ona və göndərdikləri Məsumlara (ə) itaət edək. Bu itaət insanın imanını və saleh əməllərini artırar.

İmam Əli (ə) buyurur: “Əgər Allah yanındakı məqamını bilmək istəyirsənsə, bax gör, günah edən zaman Allahın məqamı sənin yanında necədir”. (Deyerler.org)

« Noyabr 2024 »

Ça