Vəhhabi müftisi Bin-Bazla Ayətullah Həkimin elmi mübahisəsi

Mьəllif: admin1

Tarix: 20-03-2021, 23:20

Vəhhabi müftisi Bin-Bazla Ayətullah Həkimin elmi mübahisəsi

Ötən əsrin ikinci yarısında vəhhabilərin ən böyük müftisi hesab edilən Bin-Bazla (1910-1999) Ayətullah Seyyid Möhsün Həkimin elmi münazirəsi.

Nəcəf Hövzəsinin tanınmış müctəhidlərindən olan Ayətullah Seyyid Möhsün Həkim həccə gedən zaman gözdən kor olan vəhhabi alimi Bin-Baz onun yanına gəlir.

Onun məqsədi alimə baş çəkmək deyil, Ayətullah Həkimə məzhəbi barədə bir neçə çaşdırıcı sual vermək idi.

Məclisdə Bin-Baz Ayətullah Həkimdən soruşur: Siz şiələr niyə Quranın zahirinə əməl etmirsiniz?

Sualın məğzinin təxribatdan ibarət olduğunu bilən Seyyid Həkim ona deyir:

Axı belə görüş məclisləri bu kimi söhbətlərin yeri deyil. İcazə verin bu məclisimiz kef-əhval tutmaqla keçsin.

Bin-Baz israr edərək, cavab almaq istəyində olduğunu göstərəndə, Ayətullah Seyyid Möhsün Həkim ona deyib:

"Əgər həmişə Quranın zahirinə söykənməyi və bu zahirə əməl etməyi meyar götürsək, onda gərək bu etiqadda olaq ki siz cəhənnəmə gedəcəksiz".!

Bin-Baz təəccüblə soruşdu: Niyə?

Ayətullah Həkim cavab verir:

Çünki Quran deyir: Bu dünyada kor olan, axirətdə də kor və yolunu daha çox azmış olar. (İsra, 72)

Siz də ki iki gözdən korsunuz. Ayənin zahirinə əsasən, gərək axirətdə də kor olasız və cəhənnəm əhlinin yolunu azmışlarından olasız. Buna görə burada məqsəd ayənin zahiri olmamalıdır.

« Dekabr 2024 »

Ça