Əyyami-bəyzin əməlləri

Mьəllif: admin1

Tarix: 3-02-2023, 19:46

Rəcəb ayının 13, 14, 15 günləri Əyyami-bəyz günləri hesab edilir. Bu günlərin xüsusi əməlləri vardır.

13-cü günün gecəsinin əməlləri.

Rəcəb, Şəban, Ramazan aylarının 13-cü gününün gecəsində müstəhəbdir ki, iki rükət namaz qılınsın. Hər rükətdə bir dəfə ”Həmd” və “Yasin”, “Mulk”, “Tövhid” surələri oxunar.

14-cü gecədə 4 rükət, yəni yuxarıdakı zikr edilən namazın iki rükət artığı. 15-ci gecədə isə 6 rükət namaz qılınar və yuxarıda zikr edilən namaz kimidir və üç salamı vardır.

İmam Sadiq (ə) buyurur: “Hər kim bu əməlləri yerinə yetirərsə, hər üç ayın fəzilətlərini dərk etmiş olar. Şirkdən başqa bütün günahları bağışlanar”.

13-cü günün gündüzü

Bu üç gündə oruc tutmağın böyük savabı vardır. Əgər kimsə Ümmü Davudun əməllərini yerinə yetirməyi qəsd edibsə, gərək bu günü oruc tutsun.

Rəcəb ayının 15-ci günün əməlləri.

Rəcəb ayının 15-i gecəsi şərəfli bir gecədir. Bir neçə əməli vardır ki, yerinə yetsək yaxşı olar.

1. Qüsl.

2. O gecəni ibadətlə əhya saxlamaq.

3. İmam Hüseyni (ə) ziyarət etmək. (Yaxından və uzaqdan).

4. 6 rükət namazdır ki, yuxarıda zikr edildi.

5. 30 rükətli namazdır ki, hər rükətində “Həmd” və on dəfə” Tövhid” oxunar. Bu namazı Seyyid Tavus Peyğəmbərdən (s) nəql edir ki, savabı böykdür.

6. 12 rükətli namazdır ki, hər iki rükətindən sonra salam verilir. Hər rükətində “Həmd”, “Tövhid”, “Fələq”, “Nas”, “Ayətül-kürsü” – hərəsi 1 dəfə. “Qədr” surəsini 4 dəfə qiraət edilir.

Salamdan sonra 4 dəfə deyilir: "Əllahu Əllahu Rabbi lə uşriku bihi şəy'ə, və lə əttəxizu min dunihi vəliyyə".

Bundan sonra hər nə hacətin varsa de. Bu namazı Seyyid Tavus İmam Sadiqdən (ə) nəql etmişdir.

Davud ibni Sərhan İmam Sadiqdən (ə) nəql edir ki, buyurub: “Rəcəb ayının 15-də 12 rükətli namaz iqamə edin. Hər birində bir dəfə “Həmd” və bir dəfə də “Tövhid” oxunar.

Namazdan sonra isə “Həmd”, “Nas”, “Fələq”, “Tövhid”, “Ayətül-kürsü” surələrini 4 dəfə oxuyursan. Ondan sonra isə təcbihati-ərbəə dörd dəfə zikr edilər.

Sonda isə bu duanı deyərlər: “Allahu, Allahu, Rəbbi lə uşriku bihi, şəyə və maşaallahu lə qüvvətə, illə billəhil-aliyyil-azim”.

Bu əməli həmçinin Rəcəb ayının 27-ci gecəsində yerinə yetirmək də tövsiyə edilir.

Ümmi Davud əməli.

Ummi Davud əməli bu günlərin xüsusi əməllərindəndir. Hacətin yerinə yetməsi, qüssə və qəmin aradan getməsi, zalımların zülmünü dəf etmək üçün faydalı əməldir.

Hər kim bu əməli yerinə yetirmək istəsə, Rəcəb ayının bu üç gününü oruc tutsun: 13, 14, 15 günlərini. 15-ci günü zöhrə yaxın qüsl alsın.

Sonra isə zöhr və əsr namazlarını qılsın. Ruku və səcdələrini gözəl şəkildə yerinə yetirsin. Xəlvət bir yerə çəkilsin. Onu heç bir şey məşğul etməsin.

Heç kim onunla söhbət etməsin. Namazını qurtarandan sonra isə üzü qibləyə əyləşib, yüz dəfə”Həmd” surəsini, yüz dəfə “Tövhid” surəsini, on dəfə “Ayətül-kürsünü” qiraət etsin.

Ondan sonra isə “Ənam”, “Bəni-İsrayil”, “Kəhf”, “Loğman”, “Yasin”, “Saffat,” “Səcdə”, “Şura”, “Duxan”, “Fəth”, “Vaqiə”, “Mulk”, “İnşiqaq” surəsindən Quranın axırına qədər olan surələri oxuyursan.

Bu deyilən surələri oxuyandan sonra isə Ümmi-Davudun duasını qiraət edirsən ki, “Məfatihul-cinan” kitabında mövcuddur. Duadan sonra isə göz yaşı töküb səcdəyə gedir və Allahdan hacətini istəyirsən.

İltimasi-dua.

« Noyabr 2024 »

Ça