Bəzən insanın İmam Hüseyn (ə) üçün ürəyi titrəyir, ancaq gözündən yaş axmır. Niyə?

Mьəllif: admin1

Tarix: 3-10-2018, 14:37

Bəzən insanın İmam Hüseyn (ə) üçün ürəyi titrəyir, ancaq gözündən yaş axmır. Niyə?

Hədislərin bir çoxunda oxuyuruq ki, Əhli-beyt (ə) üçün ağlamaq, xüsusilə də İmam Hüseyn (ə) üçün ağlamaq insanın dərəcəsini qaldırar.

Ancaq bu göz yaşı İmamın (ə) imtiyazını qaldırmaz. Çünki onlar hər cəhətdən kamildirlər və hətta şəhadət belə, onlar üçün imtiyaz sayılmır. Çünki kamil insanın imtiyaza ehtiyacı yoxdur.

Məhərrəm-səfər əyyamında ürəklər sızlayır və hər yer qaraya və qəmə bürünər. Ancaq bəzi insanlar bu müsibətin nə qədər əzəmətli olduğunu bilə-bilə və onu eşidə-eşidə, ağlaya bilmirlər. Ürəkləri titrəyir, ancaq gözlərindən yaş axmır.

Niyə?

Ağlamağa səbəb olan amilləri tanıyaq.

Ağlamağın bir neçə növü vardır və insan bəzən şadlanan zaman ağlayar, bəzən də qəmlənən zaman. Bəzən həyəcanlanıb ağlayar. İmam Hüseynə (ə) ağlamaq – qəm göz yaşlarıdır. İnsan qəmgin olduğunun reaksiyası kimi göz yaşı tökməyə başlayar.

O insan İmam Hüseyn (ə) üçün ağlayır ki, ürəyində onun qəmini və acısını hiss edir və bu müsibətin dağı onu yandırır. İnsan gərək İmamı (ə) və başına gələnləri bilsin ki, onun qəminin nə qədər böyük olduğunu dərk edə bilsin.

Bundan başqa, göz yaşının mənbəyi ürəkdir və ürək bəzən qəsavət bağlaya bilir. Qəsavətin də səbəbi günahlarımızdır. Əgər günahlarımızdan paklana bilsək və tövbə etsək – qəlbimizin qəsavətini aradan apara bilərik. Qəlb o zaman qəsavət bağlayır ki, insan çoxlu göz, dil, qulaq günahları edir.

İnsanın ağlamasına mane olan amillərdən biri də qidalanmasıdır. İnsan əgər haram tikə yeyərsə, heç bir zaman İmam Hüseynə (ə) ağlaya bilməz. Çünki haram tikə qəlbi sərtləşdirər və hissləri soyudar. Halbuki halal tikə qəlbi yumşaldar və Allaha olan diqqəti artırar.

Elə də olur ki, insan ağlamaqla bağlı psixoloji çətinlik keçirir və bir növ utanır. O, İmam Hüseynin (ə) müsibətini ürəyində yaşadır. Amma bilməlidir ki, əslində bu göz yaşları onu ucaldır, yüksəldir və bu göz yaşları - onun qəlbindən axan bir təmizləyici bulaqdır.

Odur ki, o, İmam Hüseyn (ə) üçün tökülən göz yaşlarından utanmamalıdır, əksinə öz psixoloji durumunu bu iradəvi kədərə yönləndirməlidir.

İnsanın özünə və Allaha olan mərifəti hər nə qədər çox olarsa, tökdüyü göz yaşı daha dəyərli olar və insana daha çox bərəkət gətirər.

İmam Sadiq (ə) buyurur: “Bəndənin Allah Təalaya ən yaxın halı o haldır ki, səcdədə ağlayar”.

İmam Baqir (ə) buyurur: “Allah-taala yanında gecənin qaranlığında Allah qorxusuna görə tökülən göz yaşından daha sevimlisi yoxdur”.

Məsum İmamlar (ə) həqiqətdə Allahı tanımaq vasitələridir. Onlar Allahın gözəl adları hesab olunurlar. Onların bizim göz yaşına ehtiyacları yoxdur.

Bu ağlamaq bizim özümüzə faydalıdır ki, kamala çata bilək. Günahlarımız bu göz yaşları ilə yuyulub gedər. Ona görə də əzadarların göz yaşı – tövbə və istiğfar suyu hökmündədir.

/Deyerler.org/

« Noyabr 2024 »

Ça