Sizə verdiyim pul İmam Sadiqin (ə) idi

Mьəllif: admin1

Tarix: 12-01-2022, 12:31

Bцlmə: İslam elimləri, İmam Cəfəri Sadiq (ə)

Əbu Hənifə Saiqul-hacc deyir:
Mənimlə kürəkənim arasında irs bölgüsü üzərində söz-söhbətimiz düşmüşdü.

Müfəzzəl bizim yanımızdan ötürdü. O, bizim dalaşdığımızı görəndə bir müddət orada dayanıb, bizə baxdı. Sonra dedi: “Bizim evimizə gəlin”.

Biz onun evinə getdik. Müfəzzəl özündən dörd yüz dirhəm verərək bizi barışdırdı və bizim aramızdakı ixtilafı həll etdi.

Müfəzzəl sonra dedi: “Sizə verdiyim bu pul özümün deyildi. İmam Sadiq (ə) mənə göstəriş vermişdir ki, hər vaxt bizim səhabələrimizdən iki nəfərinin arasında dava-dalaş düşsə, onların arasında sülh yaradım və barışdırım, onun (İmam Sadiqin) malından bu iş üçün xərcləyim. Bəs sizə verdiyim bu pul İmam Sadiqin (ə) idi”. (1)

Hədis: İmam Əli (ə) buyurur: “İnsanın xoşbəxtliyinin kamalı insanlar arasında sülh yaratmağa təlaş etməkdir”. (2)

Qaynaqlar: “Biharul-ənvar”, c. 47, səh. 57-58.
Qürərul-hikəm, hədis 9361.

« Dekabr 2024 »

Ça