Qiyamətin dəhşətli səhnələrinin ibrəti

Mьəllif: admin1

Tarix: 14-01-2022, 11:50

“Göy yarıldığı zaman, ulduzlar dağılıb səpələndiyi zaman, dənizlər yarıldığı (və sular bir-birlərinə qarışdığı) yaxud qaynayıb dolduğu zaman, qəbirlər alt-üst olduğu (və ölülər çölə atıldığı) zaman”. (“İnfitar” 1-4).

O zaman ki, kainatın nizamı pozular, Günəş, ulduzlar sönər, Yer kürəsi dağılmağa başlayar. Çünki elm təsdiq edir ki, Yer kürəsinin var olmasında Günəşin və ulduzların, başqa planetlərin rolu böyükdür.

Kainatın etidal həddə olması Yer kürəsinin havasına, dənizlərinə və Yerin soyuq və isti olmasına böyük təsirlər qoyur. Əgər bu nizam pozularsa, Yer kürəsi də dağılar.

Qurani-Kərimin başqa ayələrində buyurulur: “Günəş sarınacağı zaman (sanki sönüb hərarətsiz olması üçün onun ətrafına bir şey bükülər), ulduzlar qaralıb (yerə) töküləcəyi zaman, dağlar hərəkətə gətiriləcəyi (parça-parça olub dağılacağı) zaman”. (“Təkvir” 1-3).

“Göylər yarılacağı. Və öz Rəbbi(nin mütləq iradəsi)nə qulaq asacağı zaman; (Onun belə etməsi) daha layiqlidir. Yer genişlənəcəyi (böyüyüb dağlarsız, dənizlərsiz, dümdüz olacağı) zaman, qoynunda olanları çölə tullayıb boşaldacağı zaman”. (“İnşiqaq” 1-4).

Bu ayələrdən də göründüyü kimi, Qiyamət günü gəlib çatan zaman yer titrəyəcək, dağlar parçalanıb, töküləcək, bütün aləm bir-birinə dəyəcəkdir. Allah Təala yeri yenidən yaradacaq və məhşər bərpa olacaqdır.

“(Qulaqları və ürəkləri) döyəcləyən (və Allah düşmənlərini əzən o dəhşətli) hadisə. Nədir o döyəcləyən və əzən(dəhşətli) hadisə?! Və sən nə bilirsən ki, o döyəcləyən (dəhşətli) hadisə nədir? (O hadisə Qiyamətin qopmasıdır).O gün insanlar kəpənək kimi (ətrafa) səpələnər.

Dağlar didilmiş rəngarəng yun kimi havada parça-parça olacaqdır. Amma ölçülmüş əməlləri ağır və dəyərli gələn (əqidə və əməlləri gözəl olan) kəs. Razı qalacağı (xoş) bir güzaran içində olacaqdır”. (“Qariə” 1-7).

Əlbəttə, Yer kürəsini dağıdandan sonra onu yenidən qurmaq Allah üçün çox asandır. Allah Təala bu hadisədən sonra əbədi behişti və cəhənnəmi yaradacaqdır ki, minlərlə il çəkəcəkdir.

Bu əbədi behişt və cəhənnəmdə insanlar müvafiq olaraq, həm maddi və həm də mənəvi nemətə çatacaq və həm də əzaba düçar olacaqlar.

Qurani-Kərimdə əbədi behişt haqqında buyurulur: “Orada taxtlara söykənəcək, orada nə istinin şiddətini, nə də soyuğun şiddətini görəcəklər”. (“İnsan” 13).

/Deyerler.org/

« Noyabr 2024 »

Ça