Qurani-Kərim buyurur: "Həqiqətən sizə yer üzündə imkan və (onun bəxşişlərindən istifadə) qüdrət(i) verdik və sizin üçün yaşayış vasitələri hazırladıq, amma siz çox az şükür edirsiniz”. ("Əraf” 10).

Torpağın insan üzərində olan haqqı odur ki, ona ziyan vurmadan əkinçilik edəsən, onu abadlaşdırasan. Bu gün ətraf mühitin çirklənməsi nəticəsində təbiət və heyvanların tənəffüsü çətinləşmiş və tədrici ölümə məhkum olmuşdular. Halbuki, insan həm təbiətə və həm də heyvanlara görə məsuldur.

Həzrət Peyğəmbərdən (s) nəql edilir ki, bir dəvəni görür ki, yerə yatızdırıb ayağını bağlayıblar. Ancaq üzərindəki yəhəri götürməyiblər. Adətən dəvələr istirahət edən zaman yəhərlərini götürürlər. Peyğəmbər (s) bu səhnəni görüb buyurur: "Sahibi haradadır? Ona deyin ki, özünü Qiyamət gününün sabahısı hesab vermək üçün hazır etsin”.