Ramazan ayında günahlar məhv edilər, atəşdən nicat verilər, behiştin qapıları açılar, şeytanlar əsir olar, dualar qəbul olunar

Mьəllif: admin1

Tarix: 7-06-2017, 22:32

Bцlmə: İslam elimləri

Ramazan ayı başdan-başa xeyir və bərəkət ayıdır. Bu Allahdır ki, hər bir məkana və zamana mübarəklik və müqəddəslik bəxş edir. Allah üçün Kəbə müqəddəs məkandır. Ona görə ki, bu məkanın özünəməxsus xüsussiyyətləri vardır ki, onu başqa məkanlardan fərqləndirir.

Allah Təala üçün Ramazan ayı da mübarək aydır, çünki bu ayın da özünəməxsus xüsusiyyətləri vardır ki, onu başqa aylardan üstün edir. Bu fəzilətləri biz dərk edə bilmərik. Onları bizə Məsumlar (ə) başa salırlar. Bu fəzilətlərə işarə edək:

1. Ramazan ayı günahları məhv edər. Ramazan sözünün mənası günəşin qumların üstünə şüiddətlə nur saçması deməkdir. Necə ki, günəş əşyaların üzərinə şiddətli nur saçaraq onları yandırar və cürüdər, Ramazan ayı da günahların məhv olmasına səbəb olar. Belə ki, Həzrət Peyğəmbər (s) buyurur: "Ramazan ayı ona görə belə adlandırılıb ki, günahları yandırar”.

2. Ramazan ayı - cəhənnəm atəşindən nicat ayıdır. Həzrət Peyğəmbərin (s) buyurduğu kimi, Ramazan ayının əvvəli rəhmət, ortası məğfirət və sonu cəhənnəm atəşindən nicat tapmaqdır. Hər kim bu ayın bərəkətindən faydalanarsa, bağışlanmış olar. Bağışlanmış bəndə də cəhənnəm atəşindən nicat tapar. Allahın rəhməti bu ayda o qədər çoxdur ki, İmam Sadiqin (ə) buyurduğu kimi, bu ayın hər gecəsində çox sayda günahkar cəhənnəm atəşindən nicat taparlar. İmam Sadiq (ə) buyrur: "Həqiqətən, əziz və böyük Allahın Ramazan ayının hər gecəsində cəhənnəmdən azad olmuşları və xilas olmuşları vardır. O kəsdən başqa ki, məstedici ilə iftar edər. O zaman ki, bu ayın son gecələri gəlib çatar, həmin gecədə əvvəlki gecələrdə azad etdiklərinin ümumi sayı qədər insanları azad edər”.

3. Ramazan ayı - behişt qapılarının açıldığı aydır. Bu ayda İlahi rəhmətin və feyzin dərəcəsi o qədər çoxdur ki, sanki behiştin bütün qapıları bəndələrin üzünə açılmış olar. Cəhənnəm qapıları bağlanar. Allah Təala bu ayda bəndələrinin səhvlərinə rəhmət gözü ilə baxar və elə təsəvvür olunar ki, cəhənnəmin qapıları bağlanmışdır. Həzrət Peyğəmbər (s) buyurur: "Ramazan ayının hilalı görünən kimi səmanın, behiştin, rəhmətin qapıları açılar və cəhənnəmin qapıları bağlanar”.

4. Ramazan ayı şeytanların əsir olduğu aydır. Günah insanı İlahi rəhmətdən uzaqlaşdırar. Ramazan ayı başdan-başa rəhmət nurudur və Allahın rəhmət qapıları bu ayda bəndələrinin üzünə açılar. Ona görə də Allah bu ayda şeytanları əsir edər və onları zəncirə vurar. Həzrət Peyğəmbərin (s) buyuruğu kimi, hər bir şeytan yeddi mələk tərəfindən zəncirin bəndinə vurular. Bu ayın sonuna qədər buraxılmazlar. Həzrət Peyğəmbər (s) buyurur: "Allah hər bir qovulmuş şeytana yeddi mələk hakim edər və həmin şeytanlar boş buraxılmaz o zamana qədər ki, sizin ayınız sona çatar”.

5. Ramazan ayında dualar qəbul olar. Allaha tərəf uzanan əllər bu ayda boş qayıtmaz. Allah bu ayda hər bir bəndənin hacətini yerinə yetirər. Həzrət Peyğəmbər (s) buyurur: "Səmanın qapıları bu ayın ilk gecəsində açılar və agah olun ki, bu ayda edilən dualar qəbul olunar”.

6. Ramazan ayında Qədr gecəsi vardır. Qədr gecəsinin bu ayda olması onun əzəmətindən bəhs edir. Bu gecələrdə edilən ibadətlər min ayda edilən ibadətlərdən daha üstün hesab edilir. Bu ayda Quran nazil olmuşdur.

/Deyerler.org/

« Noyabr 2024 »

Ça