Cəbrayil (ə) buyurur ki, hər nə qədər bu dünyada çox yaşamaq istəsən də, yenə də aqibətin ölümdür və bu həqiqətdən heç kəs qaça bilməyib. Ona görə də ölümü yaddan çıxartma.

Əgər kimisə sevmək istəyirsənsə - sev, ancaq onu bil ki, sevdiyin bu insan cavidan deyildir və bir gün səni tərk edəcəkdir. Özünü həmin gün üçün hazır et.

Əməllərin sənin aqibətini həll edəcəkdir. Bir gün həmin əməllərin nəticəsinə çatacaqsan. Ona görə də elə əməllər yerinə yetir ki, bir gün səni həsrətə düçar etməsin.

Möminin izzəti onun başqaları üçün əmin-amanlıq nişanəsi olmasındadır. Mömin gərək başqalarına əziyyət verməsin.

Möminin şərafəti – gecə qıldığı namazdadır. Gecə namazı haqqında İmam Sadiq (ə) buyurur: "O evdə ki, gecə namazı üçün oyanarlar və Quran tilavət olunar – səma əhli üçün elə parlayar ki, ulduzlar insanlar üçün o cür parlayır”.