Niyə bu ayda yatmaq da ibadətdir?

Mьəllif: admin1

Tarix: 16-06-2017, 11:52

O zaman ki, insan yatır, bütün gündəlik işlərindən qalır. İmtahan zamanı gecələri yatmırdıq - çünki vaxtımız az idi. Bu vaxtı yuxu saatından oğurlayıb imtahana hazırlıqlı getmək istəyirdik. Çünki yatan zaman heç bir iş görə bilmirik. O zaman ki, böyük işlər görmək istəyirik beynimiz bu işlərlə məşğul olar. Ona görə də hər zamandan daha az yatarıq.

İndi Ramazan ayıdır və bu ayda insanlar başqa aylardan daha çox yatmağa meyl edərlər. Çünki bədən zəif düşər və gücünü bərpa etmək üçün yuxuya ehtyac duyar. İlahi ziyafət hər yerdə hiss olunur və İlahi ziyarətdən hər bir oruc tutan insan feyz alır. Həzrət Peyğəmbərdən (s) gələn hədisdə oxuyuruq: "Oruc tutanın yuxusu ibadət, nəfəsi təsbihdir”. Allah Təala buyurur ki, nə zaman Mənim ziyafətimə daxil olsan, hər nəfəsin səni Mənə yaxınlaşdırar. Yuxun da o cürdür.

Başqa aylarda bu qədər yatmaq bizi qəflətə sala bildiyi halda Ramazan ayında bizi Allaha yaxınlaşdırar. Görəsən bu işin sirri nədir? Niyə oruc tutana yatmaq tövsiyə edilir?

İnsan yatan zaman təsbih və ibadət edə bilməz, ən azı bədəni ilə. Bu hədisdə məqsəd budur ki, oruc tutan insan istər ayıq olsun və istərsə də yuxuda - İlahi itaət halında olar. Çünki o, oruc niyyətilə gün ərzində müəyyən şeylərdən imtina edər. Ona görə də Allah bu insanın hər aldığı nəfəsi və yuxusunu ibadət hesab edir.

Bu ayın gündüzləri fəzilətli olduğu kimi, gecələri də fəzilətlidir. Gecələrinin xüsusi fəziləti vardır ki, Məsumlar (ə) bizə oyaq qalmağı dəfələrlə tövsiyə ediblər. Necə ki, gündüz yatmağı tövsiyə ediblər, gecə oyaq qalmağı da tövsiyə ediblər. Ona görə də orucun zəfiliyini aradan qaldırmaq və gecə oyaq qalmaq üçün qüvvə toplamaq üçün oruc tutanlara gündüz yatmaq daha çox məsləhət görülmüşdür. Hər bir oruc tutan insan Ramazan ayının gecələrinin feyzindən bəhrələnmək üçün gündüzləri istirahət edib yatmalıdır ki, oyaq qalmaq üçün qüvvə toplasın.

İmam Əli (ə) buyurur: "Allah oruc tutan insanı yuxuda yemək və içəcəklə qəbul edir”. Yəni, bu yuxu oruc tutan üçün sadəcə yuxu deyildir, bəlkə gecə oyaq qalmaq üçün güc toplamaqdır.

Bu mövzu atəşin Həzrət İbrahim (ə) üçün bağa və gülüstana çevrilməsinə bənzəyir. Yəni o yuxu ki, başqa zamanlarda əgər həddini aşarsa insanın qəflətinə səbəb olduğu halda, Ramazan ayında İlahi ziyafətə çevrilər.

Lakin hər bir şeydə həddi aşmaq ziyanlı olduğu kimi, Ramazan ayının yuxusunda da həddi aşmayaq və onun gündüzlərindən də bəhrələnək. Əlbəttə, bunu qeyd etməkdə məqsəd odur ki, əgər gündüzləri yuxu sizə qələbə çalsa, heç də ibadətdən qalmağınıza görə təəssüf etməyəsiniz. Çünki yuxunuz belə, bu mübarək ayda ibadət sayılır.

/Deyerler.org/

« Noyabr 2024 »

Ça