Hər kim həcc səfərinə hazırlaşar, yaxşı bilər ki, İmam Zaman ağa (ə.f) da həcc əməlində orada olacaqdır. O Həzrət (ə.f) də Allahın evini təvaf edəcək və Mina və Ərəfata gedəcəkdir.

Ramazan ayı elə bir müqəddəs aydır ki, dualar qəbul olar və hacətlər yerinə yetər. Ramazan ayı – həcc istəmək ayıdır. Allaha etdiyimiz dualar içərisində həccə getmək duaları da mövcuddur. Belə ki, Şeyx Abbas Quminin "Məfatih” kitabında ilk verdiyi dua – həcc istəmək duası olmuşdur. اللهم ارزقنی حجّ بیتک الحرام فی عامی هذا و فی کل عام ما ابقیتنی فی یسرٍ منک و عافیةٍ و سعة رزق...أن تکتبنی من حجاج بیتک الحرام المبرور حجهم المشکور سعیهم..

Ramazan ayının ibadəti ilə həcc ibadətinin fərqi ondadır ki, həcc mərasimində xüsusi zaman var və xüsusi zamanda xüsusi insanlar iştirak edərlər. Sonra da hacı olarlar. Ancaq Ramazan ayı ümumi bir aydır və hamıya şamil edilir. Məkanının sərhədləri yoxdur. Necə ki, bu ayda edilən duaların da həddi və sərhədi yoxdur. İnsan bu müqəddəs ayda ən böyük arzularını Allahdan istəyər və yerinə yetməsinə əminliyi olar. 

Mömin səhər çağı etdiyi dualarında azla qane olmaz, Allahdan ən böyük arzularını istəyər. İnsan bu aya məxsus dualarda dua etmək mədəniyyətini öyrənər. Bilər ki, hər gün qəbir əhli üçün, yoxsullar üçün, aclar üçün, əsirlər üçün dua etməlidir.

İnsanda dua ruhunun inkişaf etməsi İmam Zaman ağa (ə.f) ilə görüşə hazırlıq müqəddiməsi olar. İnsan bu ayın dualarını edərək, özünü zühur zamanı üçün hazır edər. Axı zühurdan sonra bütün Yer üzü ədalət libasına bürünəcəkdir. Rəhmət Peyğəmbəri (s) buyurur: "Qiyamət bərpa olmaz o zamana qədər ki, yer üzü zülmlə dolmasın. O zaman mənim nəslimdən olan bir kişi qiyam edər və Yer üzünü ədalətlə doldurar”.