İmam Həsən Əsgəri (ə): “... Həqiqi ibadət - İlahi xilqət və yaradılış haqqında çox düşünməkdədir”

Mьəllif: admin1

Tarix: 16-11-2018, 10:14

İmam Həsən Əsgərinin (ə) imamət dövrü çox qısa olmuşdur – cəmi yəni 6 il. 254-cü ildə atası İmam Hadi (ə) şəhid olanda Həzrət Həsən Əsgərinin (ə) cəmi 22 yaşı var idi. 260-cı ildə isə İmam Həsən Əsgəri (ə) şəhadətə yetişdi. Bu dövrdə üç Abbasi xəlifəsi hakimiyyətə gəlmişdilər.

Mütəvəkkil Abbasi xilafətə gələndən sonra siyasi qüvvə türk müsəlmanlarının əlinə keçmişdi. Ancaq bu xəlifələrin hakimiyyət dövrü çox qısa sürmüşdür. Hər bir Abbasi xəlifəsi İmamı (ə) qətlə yetirmək istəmişdi, ancaq ömürləri buna yetməmişdi, çünki özləri üsyan nəticəsində qətlə yetirilmişdilər.

İmam Rzanın (ə) şəhadətindən sonra Abbasi xəlifələri İmam Hadini (ə) və İmam Həsən Əsgərini (ə) Samirrada nəzarət altında saxlamışdılar. Amma İmam Həsən Əsgərinin (ə) vəziyyəti atasından da ağır olmuşdu. Çünki bu xəlifələr yaxşı bilirdilər ki, Həzrət Məhdi (ə.f) İmam Həsən Əsgərinin (ə) oğludur və o, elə bir İmamdır (ə.f) ki, yer üzərindəki bütün zalımları məhv edəcəkdir.

Ona görə də nəzarəti daha da gücləndirib, İmam Həsən Əsgərini (ə) sıxışdırırdılar. Əhli-beyt (ə) davamçılarının İmamla (ə) əlaqəsini kəsməyə cəhd edirdilər. Ona görə də İmam Həsən Əsgərinin (ə) rəhbərlik dövrü o biri İmamlarla müqayisədə daha qısadır. İmam (ə) hər həftənin bazar ertəsi və cümə axşamı günlərində saraya getməyə məcbur edilirdi.

İmamın (ə) dövründə baş verən üsyanlardan biri də Sahibi-zənc üsyanı idi. Əli ibni Muhəmməd ibni Əbdurrəhim Əbədi Bəsrənin Əbdi-Qeys qəbiləsindən idi. İmam Hüseynin (ə) övladlarından olduğunu iddia edərək, qiyama qalxmışdı. Ordusunun əksər hissəsini qaradərili zəncilər təşkil etdiyi üçün, bu üsyanın adını Sahibi-zənc qoymuşdular.

İmam (ə) onların haqqında buyurmuşdu: “Sahibi-zənc - Əhli-beytdən (ə) deyildir”.

İmam Həsən Əsgəri (ə) xalq içinə çox çıxa bilmədiyi üçün, onun 21 vəkili və köməkçisi var idi ki, insanların məktubunu alır və İmama (ə) çatdırırdılar. İmam (ə) bu məktublara cavab verərək, bu vəkillərin yardımı ilə onlara yetişdirirdi və müsəlmanların çətinliklərini həll etməyə çalışardı.

İmam Həsən Əsgəri (ə) buyurur: “Allaha ibadət oruc və namazın çoxluğu ilə deyildir. Bəlkə həqiqi ibadət - İlahi xilqət və yaradılış haqqında çox düşünməkdədir”.

Mötəməd Abbasi İmamın (ə) cəmiyyətdəki nüfuzundan çox nigaran idi. Görürdü ki, insanlar get-gedə İmama (ə) tərəf çox meyl edirlər. Zindana salmaq və sürgün etmək müsbət nəticə verməyəcəkdi. Nəhayət köhnə üsuldan istifadə edib, lənətlik diktator əziz İmamımızı (ə) zəhərlədi. İmam (ə) bu zəhərin təsirindən də 260-cı hicri-qəməri ilində şəhid oldu.

Allah Təala bizləri İmamla (ə) məhşur etsin, inşəallah.

/Deyerler.org/

« Dekabr 2024 »

Ça