İnsan bədəninin heyrətləndirici həqiqətləri

Mьəllif: admin1

Tarix: 5-12-2022, 12:18

İnsan bədəninin heyrətləndirici həqiqətləri

Yer üzərində yaşayan bütün canlıların bədən quruluşu insanı heyrətə gətirir, ancaq heç biri insan bədəni kimi heyrətləndirici ola bilməz.

İnsan bədənində olan sadəcə əzələlərin fəaliyyətinə nəzər salsaq, onun necə böyük işlər gördüyünün şahidi olarıq. O ki, qaldı sümüklərin, daxili orqanların, dərinin və başqa üzvlərin fəaliyyətinə. İnsan bədənində 450 əzələ vardır.

İnsanın bütün hərəkət və fəaliyyətləri o cümlədən: əyləşməsi, qalxması, yol getməsi, əyilməsi... əzələ vasitəsilə həyata keçər. Bu 450 əzələlələrin hər birinə qida çatdıran qan damarları vardır. Əsəb telləri bu əzələləri idarə edər.

Tədqiqatlar göstərmişdir ki, insan gözünün hərəkət etməsini 6 əzələ öhdəsinə götürmüşdür. İnsanın bir cismi görməsi üçün gözü hərəkət etməlidir ki, bu da göz əzələləri vasitəsilə həyata keçər.

Məşhur filosof İbni Sina “Qanun” kitabında yazır: “Gözün alt qabağı hərəkətə az ehtiyac duyar, çünki əsas vəzifəsi üst qabağı hərəkət etdirməkdir.

Allah Təalanın inayəti belədir ki, alətləri bacardığı qədər az hərəkət etdirsin. Ona görə də gözün üst qabağını hərəkətli qərar vermişdir. Əzələlər əsəb vasitəsilə idarə olunar.

Əsəb də beyindən mənbələnər. Gözün üst qapağı mərkəzi əsəb sisteminə daha yaxındır və ona görə də İlahi hikmət əsəbin yaxın yoldan idarə olunmasını təmin edər”.

İnsanın yeməyi çeynəməsi üçün də çox sayda əzələnin fəaliyyət göstərməsi zəruridir. Yeməyi dişləmək, onu çeynəyib xırdalamaq, udmaq... bunların hamısı əzələ vasitəsilə həyata keçər.

İnsanın adicə gülümsəməsini çox sayda əzələ həyata keçirər. Halbuki, insan bütün bunların hamısından qafildir. İnsanların əksər hissəsi öz bədənlərinə baxanda elə bilirlər ki, ətləri bütov bir hissədən ibarətdir.

Halbuki, belə deyildir. Bədənin hər bir sahəsinin əti özünəməxsus əzələlərlə təmin edilmiş ət parçalarından təşkil edilər ki, bu əzələlərin hər biri də sinir telləri ilə əhatə olunar.

İnsan bədənini tanıdıqca, Allahın qüdrətinin daha çox şahidi oluruq.

Necə ki, Quran bu haqda buyurur: “Yer üzündə (onun böyüklüyü, həcmi, hərəkəti, səthinin vəziyyəti, mədənləri və dağlarında) yəqini olanlar üçün (Allahın tovhid, qüdrət, hikmət və mərhəmətinə dəlalət edən) nişanələr vardır. Həmçinin sizin öz vücudunuzda (cisminizin kəmiyyət və keyfiyyət baxımından hərəkətində, bədən üzvlərinizin quruluşunda, ruhun bədənlə əlaqəsinin necəliyində, onun bədən üzvlərinə hakim olmasında, ağılda və ruhun bir-birinə zidd sifətlərində, nəsil artımında və ictimai əlaqələrinizdə də nişanələr vardır). Belə isə məgər (həm gözünüz və həm də ürəyinizin gözü ilə) görmürsünüz?!”. (“Zariyat” 20-21).

/Deyerler.org/

« Noyabr 2024 »

Ça