Övladlarımızı necə imanlı tərbiyə edək?

Mьəllif: admin1

Tarix: 18-09-2021, 20:30

Qurani-Kərim buyurur: «Ey mənim əziz oğlum, namaz qıl və yaxşı işləri (əql və şəriət nöqteyi-nəzərindən bəyənilən işləri görməyi) əmr et və pis işlərdən (hər hansı pis və bəyənilməz işi) qadağan et. (İnsanlar və Xaliq qarşısında olan vəzifələrinə əməl edərkən baş verəcək çətin hadisələrdən) sənə yetişənə döz ki, bunlar vacib əmrlərdən və mühüm işlərdəndir». (“Loğman” 17).

Bu mübarək ayə bizi namazla birlikdə əmr-be-məruf və nəhy-əz-munkərə əməl etməyə dəvət edir. Əmr-be-məruf və nəhy-əz-munkər elə vacibatlardandır ki, hər bir müsəlman ona əməl etməlidir.

İmam Əli (ə) buyurur: “Əmr-be-məruf və nəhy-əz-munkər yolunda sənə çatan məşəqqət və çətinliklərə səbir et”.

İnsan bəzən müsibətə səbir edir, bəzən vəzifəsini yerinə yetirməyə səbir edir və bəzən də günaha səbir edir. İnsanın başqalarını pis əməldən çəkindirməsinə səbir etməsi də dəyərli bir əməldir.

Bu mühüm vəzifə - Loğmanın oğluna verdiyi ən üstün tərbiyə yollarından biri idi. Loğman oğlunu yaxşı əməllər görməyə dəvət edərək, əslində onda dinə, insanlara sevgi yaratmaq istəyir. İstəyir ki, oğlunda dini qeyrət olsun, insanlarla dostluq rabitəsi qursun. Fitrəti daima ayıq olsun. Cəmiyyətin sağlam olmasına meyli yaransın.

Əmr-be-məruf və nəhy-əz-munkər əməli xeyir əməl sahiblərini təşviq edər, cahili pis əməlindən agah edər və günahdan çəkindirər.

Quran buyurur: “Siz (müsəlmanlar), (Allah tərəfindən dünyanın) insanlar(ın)a zahir olmuş ən yaxşı ümmətsiniz, bəyənilən işə əmr edir və çirkin işdən çəkindirirsiniz və Allaha (nazil etdiyi şeylərdə) iman gətirirsiniz”. (“Ali-İmran” 110).

Hədislərin birində oxuyuruq: “Hər kim münkərin qarşısını almaz, o kəs kimi olar ki, yaralını yolda qoyar ki, ölsün”.

Həzrət Davud (ə), Həzrət İsa (ə) bu vacibatı yerinə yetirməyənləri həmişə lənətləyirdilər. İmam Hüseynin (ə) qiyamı da məhz əmr-be-məruf və nəhy-əz-munkəri yerinə yetirmək üçün olmuşdu.

Başqa bir hədisdə oxuyuruq: “Əmr-be-məruf və nəhy-əz-munkər vasitəsilə bütün vacibatlar ayağa qaldırılar”.

Quran bizə əmr edir: “Həqiqətən Allah sizə bu Kitabda nazil edib ki, Allahın ayələrinin və nişanələrinin inkar və məsxərə edildiyini eşitdiyiniz zaman, onlar başqa bir söhbətə girişənə qədər onlarla bir yerdə oturmayın, əks halda siz də onlar kimisiniz. Şübhəsiz, Allah münafiqlərin və kafirlərin hamısını Cəhənnəmdə bir yerdə toplayacaqdır”. (“Nisa” 140).

İnsan gərək qəlbində günahdan narahat olub, dilində onu qadağan etsin. Əgər insan yaxşı işlərə dəvət edərsə, həmin işin savabında o da şərik olar. Ancaq əgər günahı görüb ona qarşı çıxmazsa, onun cəzasında da şərik olar.

Müsəlman əgər günaha sükut edərsə, onun cəmiyyətdə adi olmasına səbəb olar. Günahkar insanlar cürət əldə edərlər və bizim qəlbimiz daşlaşar və qəsavət bağlayar.

Beləliklə deyə bilərik ki, övlad tərbiyəsində bu mühüm vəzifəyə diqqət edib, onu təlim vermək lazımdır ki, övladlarımız imanlı insan kimi yetişə bilsinlər. Cəmiyyətdə baş verənlərə qarşı ayıq olsunlar və günahkarları pis işlərindən çəkindirsinlər.

/Deyerler.org/

« Noyabr 2024 »

Ça