Ağılla həll edə biləcəyin işlər barədə istixarə etmə

Mьəllif: admin1

Tarix: 30-12-2021, 11:19

Dinimizdə istixarənin iki mənası vardır: biri istixarənin həqiqi mənasıdır ki, hədislərimiz onun haqqında çox məlumat vermişdilər.

Mənası Allahdan xeyir istəməkdir. İstixarənin bu növü əslində duanın bir qolu hesab olunur.

İmam Sadiq (ə) istixarənin bu növü barəsində buyurur ki, Uca Allah buyurur: “Mənim bəndəmin bədbəxtliyi ondadır ki, işlərini mənə istixarə (xeyir istəmədən) etmədən yerinə yetirir”.

Ona görə də hədislərimizin də buyurduğu kimi, istixarənin bu növü şəkk və şübhəni aradan qaldırmaq üçün deyil, bəlkə bütün işlərdə Allahdan xeyir istəmək üçündür ki, bəyənilən əməl hesab olunur.

İstixarənin ikinci növü isə şəkk və şübhəni aradan aparmaq üçün Allahdan xeyir istəməkdir.

Dinimiz bizə buyurur ki, həyatının hər bir sahəsində qərar verən zaman ağlından istifadə et. Ancaq o işlərdə ki, artıq ağlımız onun çarəsini tapa bilmir, bu zaman istixarədən yardım almaq məsləhət görülür.

Misal üçün evlilik insan həyatı üçün mühüm mövzulardandır. Həyat yoldaşı seçən zaman insan bəzən bəzi mövzuları ağılla həll edə bilmir. Ona görə də istixarədən yardım ala bilər.

Dinimiz buyurur ki, o işi ki, əhkam və ağlınla həll edə bilirsən, istixarəyə müraciət etmə. Çünki bu əməl adət halına düşər və səni düşünmək qabiliyyətindən məhrum edə bilər.

Ona görə də yaxşı olar ki, dünya işlərimizdə əvvəl Allahın bizə verdiyi böyük nemət olan ağlımızdan istifadə edək, çarəsiz qalan zaman istixarədən yardım alaq.

/Deyerler.org/

« Noyabr 2024 »

Ça