Quranın tilavətinin insan qəlbinə mənəvi təsiri barədə Peyğəmbər (s) kəlamı

Mьəllif: admin1

Tarix: 31-05-2022, 10:44

Bцlmə: İslam elimləri, Quran, Həzrəti Məhəmməd (s)

Quranın tilavətinin insan qəlbinə mənəvi təsiri barədə Peyğəmbər (s) kəlamı

Qurani Kərim Rəbbimizin bizə bir lütfü, hədiyyəsi, rəhmətidir. Bütün bunlar, hətta daha artığı Quranda mövcuddur.

Çünki İlahi Kitab insan həyatının bütün sahələrini əhatə edir. Ola bilsin indi bunun hamısını görə bilmirik. Amma zaman təcrübəsi bunun həqiqət olduğunu təsdiq edir.

Qurani Kərim əsasən insanın rəbbi barədə maariflənməsi, dini əxlaqı, şəri məsələlərə agahlıq əldə etməsi, hətta müxtəlif tarixi hadislərə bilik əldə etməsi üçün bir ilahi kitabdır.

Bütün bunlara yanaşı Quranın özünə məxsus xüsusiyyəti də vardır ki, bu xüsusiyyət Qurandan başqa digər bir yerdə yoxdur. Bu Quranın qəlblərə nur saçmasıdır. İnsan Quran oxuduqda elm və mərifət əldə etməklə yanaşı qəlbində paklıq və nuraniyyət hasil olur. Həzrət Peyğəmbər (s) Quranı ölü qəlbləri dirildən adlandırıb:

“Ey övlad Quran oxumaqda qəflətə düşmə. Səhər və axşam buna riayət et.

Həqiqətən Quran ölü qəlbləri dirildir. Həmçinin insanı pisliklərdən qoruyur.” (Əl-Burhan fi təfsiril-Quran 1/19)

“Quran çox tilavət olunan evdə xeyir-bərəkət də çoxalar. Ev əhli firavanlığa çıxar. Ulduzlar yerə işıq saçdığı kimi, Quran oxunan evlər də göylərə nur saçar.” (Kafi 2/610)

Quran özü də ayələrinin möminlərin qəlbinə şəfa olmasını təsdiq edir:

“Biz Qurandan möminlər üçün şəfa və mərhəmət olan ayələr nazil edirik. O, zalımların (kafirlərin) ancaq ziyanını artırır.” (İsra-82)

« Noyabr 2024 »

Ça