Kərbəla əsirlərinin hicabları yerində idi

Mьəllif: admin1

Tarix: 15-08-2022, 09:23

Kərbəla əsirlərinin hicabları yerində idi

Heç bir mənbələrdə – istər tarixi olsun, istərsə də hədislərdə Kərbəla xanımlarının hicabsız olduğu barəsində bir şey yazılmamışdır. Tarix ancaq bu xəbəri vermişdir ki, Əhli-Beyt (ə) qadınlarının mübarək üzləri görünürdü.

Tarixin nəql etdiyinə görə, Aşura günü İmam Hüseynin (ə) qətlindən sonra İbni Ziyadın (lən) əsgərləri xeymələrə hücum edir və oranı qarət edirdilər. Qarət etdiklərinin içində xanımların bəzək əşyaları və çadraları da var idi.

İbni Tavus yazır ki, azğın insanlar Peyğəmbər (s) övladlarının xeyməsini qarət etmək üçün hücum çəkdilər. Onlar hətta xanımların çadralarını da qarət etdilər.

Tarix yazır ki, Sənis qəbiləsindən olan bir lənətlik əsgər, Əhli-Beytin (ə) kiçik yaşlı xanımlarına hücum etdi və onların çadralarını qarət etdi.

Ancaq bu deyilənlərdən qətiyyən belə nəticə çıxartmaq olmaz ki, xanımlar hicabsız idi. Xeyr. Xanımlar çadra altından uzun köynək və şalvar geyinər, başlarına məqnə bağlayardılar.

Çadraları qarət etsələr də, Əhli-Beyt (ə) xanımlarının heç biri hicabsız qalmamışdı. Onların çadraları oğurlandığı üçün, üzləri görünürdü. Çünki o zamankı çadralar başı bağladığı kimi, üzü də bağlayırdı və heç kəs xanımların üzlərini görə bilmirdi.

İbni Tavus başqa yerdə yazır: “İmam Hüseyndən (ə) qalma əhli-əyalını əsir etdilər. Onlar hərəkət etdilər və yəhərlənməmiş dəvələrə mindirildilər. Qadınlar düşmənin yanında üzü açıq idilər. Halbuki, onlar Peyğəmbərin (s) dəyərli yadigarları idi”.

Həzrət Səkinə barəsində oxuyuruq ki, Səkinə Yezidin (lən) məclisinə daxil olan zaman paltarının qolları ilə üzünü örtməyə çalışırdı. Çünki üzünü örtmək üçün parçası yox idi.

Beləliklə deyə bilərik ki, əsir olan qadınların hamısı hicablı olmuşdular, baxmayaraq ki, onların çadralarını qarət etmişdilər.

Allah Təala Əhli-Beytə (ə) zülm edən bütün zalımlara lənət etsin!

/Deyerler.org/

« Dekabr 2024 »

Ça