Qurani-Kərimdə mənəvi paklıq və onun amilləri

Mьəllif: admin1

Tarix: 21-04-2020, 21:50

Qurani-Kərimdə mənəvi paklıq və onun amilləri

1. Allah mənəvi paklığa sahib olan insanları sevir:

فِيهِ رِجَالٌ يُحِبُّونَ أَن يَتَطَهَّرُواْ وَاللّهُ يُحِبُّ الْمُطَّهِّرِينَ

“…Orada paklanmağı sevən insanlar vardır. Allah pakları sevir!” (“Tövbə”, 108.)

2. Quranla təmasın şərti mənəvi paklıqdır:

إِنَّهُ لَقُرْآنٌ كَرِيمٌ. فِي كِتَابٍ مَّكْنُونٍ. لَّا يَمَسُّهُ إِلَّا الْمُطَهَّرُونَ

“Bu kərim Qurandır. (O, Allah dərgahında) qorunub saxlanılan bir kitabdadır (və hər bir dəyişiklikdən qorunmuş lövhədədir.) Ona paklardan başqa heç kəs toxunmaz!” (“Vaqiə”, 79.)

3. Məsum imamlar mənəvi paklığa sahibdirlər:

إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

“Allah siz Əhli-beytdən hər cür pisliyi təmizləmək və sizi tamamilə pak-pakizə etmək istəyir.” (“Əhzab”, 33.)

Mənəvi paklıq amilləri

1. Vacib zəkatın ödənilməsi:

خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا

“(Ya Rəsulum!) Onların mallarından sədəqə (zəkat) al ki, bununla onları(n canı və mallarını) təmizləyir və paklaşdırır (və artırır)san.” (“Tövbə”, 103.)

2. Tövbə etmək:

إِنَّ اللّهَ يُحِبُّ التَّوَّابِينَ وَيُحِبُّ الْمُتَطَهِّرِينَ

“Allah tövbə edənləri və pak olanları sevir!” (“Bəqərə”, 222.)

3. Nəfsin və qəlbin paklığı (başqalarının namusuna qarşı iffətli olmaq):

وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاء حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ

“...Onlardan (Peyğəmbərin zövcələrindən) bir şey soruşduqda (və istədikdə), pərdə arxasından soruşun (və istəyin). Bu, həm sizin qəlbləriniz, həm də onların qəlblərinə daha çox təmizlik bəxş edər...” (“Əhzab”, 53.)

4. Qüsl, dəstəmaz və təyəmmüm:

يَا أَيُّهَا الَّذِينَ آمَنُواْ إِذَا قُمْتُمْ إِلَى الصَّلاةِ فاغْسِلُواْ وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُواْ بِرُؤُوسِكُمْ وَأَرْجُلَكُمْ إِلَى الْكَعْبَينِ وَإِن كُنتُمْ جُنُبًا فَاطَّهَّرُواْ... فَلَمْ تَجِدُواْ مَاء فَتَيَمَّمُواْ صَعِيدًا طَيِّبًا... وَلَـكِن يُرِيدُ لِيُطَهَّرَكُمْ وَلِيُتِمَّ نِعْمَتَهُ عَلَيْكُمْ

“Ey iman gətirənlər! Namaza durduğunuz zaman üzünüzü və dirsəklərlə birlikdə əllərinizi yuyun. Başınızı və hər iki bəndə (oynağa) qədər ayaqlarınızı məsh edin. Əgər cənabətli olsanız, paklanın (qüsl edin)... Su tapmasanız, onda pak torpaqla təyəmmüm edin... Lakin O, sizi paklaşdırmaq və sizə olan nemətini tamamlamaq istəyir...” (“Maidə”, 6.)

5. Başqalarının üzrünü qəbul etmək:

وَإِن قِيلَ لَكُمُ ارْجِعُوا فَارْجِعُوا هُوَ أَزْكَى لَكُمْ

“...Sizə “Geri dönün!” – deyilsə, geri dönün. O, sizin üçün daha pakdır.” (“Nur”, 28.)

Maide.az