İbn Məsuddan “Vaqiə” surəsi haqda hədis

Mьəllif: Admin

Tarix: 31-10-2021, 10:42

Abdullah ibn Məsud Peyğəmbərin (s) böyük səhabələrindən sayılır. O, həm də Quran qarisi kimi tanınır. İbn Məsud bir gün xəstələnmişdi. Xəlifə Osman ibn Əfvan onun ziyarətinə getdi.

Osman soruşdu: - Nədən şikayətin var?

Abdullah ibn Məsud dedi: - Günahlarımdan.

Soruşdu: - Nə istəyirsən?

Dedi: - Allahın rəhmətini.

Soruşdu: - İcazə verirsənmi sənin üçün təbib gətirim?

Dedi: - Təbib Özü məni xəstələndirib.

Soruşdu: - İcazə verirsənmi sənə hədiyyə təqdim edim?

Dedi: - Ehtiyacım olan vaxt bunu əsirgədin. İndi, lazımım olmayan vaxt verirsən?!

Osman dedi: - Əgər özün istəmirsənsə, övladlarına bağışla, qoy onların vəziyyəti yaxşılaşsın.

İbn Məsud cavabında dedi: - Mən onlara tapşırmışam ki, “Vaqiə” surəsini oxusunlar. Çünki Allahın Rəsulundan (s) eşitdim ki, buyurdu: “Kim Vaqiə surəsini hər gecə oxusa, heç vaxt möhtac olmaz.”

Qaynaq: “Təfsiri Məcməul-bəyan”, c. 9, səh. 270

« Dekabr 2024 »

Ça