Niyə insan həmişə çətinlik çəkir?

Mьəllif: Admin

Tarix: 25-08-2022, 10:46

"Bələd" surəsinin dördüncü ayəsində buyurulur: "Həqiqətən, biz insanı məşəqqətdə yaratdıq!". Bu ayəyə əsasən, insan çətinlikdə yaradılmışdır. Bu işdə qeyd olunan vəsflərdən biri də onun "Kəbəd"də olmasıdır.

"Kəbəd" əziyyət və sıxıntı ilə dolu yer deməkdir. Dünyanın tərifinin özü məhdudiyyətlər və sıxıntılarla dolu yer deməkdir. Demək ki, yaşadığımız yer çətinlik planetidir.

Əllamə Təbatəbai bu ayənin təfsirində deyir ki, insanın yaradılışının çətinlikdə olması bizə başa salır ki, məşəqqət insanı hər tərəfdən və həyatın hər tərəfində əhatə edir.

Bu heç bir ağıllı insana gizlin deyil ki, insan hər bir nemətin xalisini əldə etmək istəyir. Bütün sıxıntı və bəlalardan uzaq, ən xalis və pak xeyirxahlığı istəyir. Lakin dünyanın təyinatı və vəsfi ondan ibarətdir ki, insan çətinlikdən başqa bir yolla nemət əldə edə bilməz.

Məsələn, bir tikə yemək yemək istəyəndə saatlarla yemək hazırlamalı, dincəlmək və başımızı yastığa qoymaq istəyəndə uzun müddət işləmək, pul yığmaq, ev almaq və ya icarəyə götürmək məcburiyyətindəyik.

Dünyada sahib olduğumuz hər bir dəbdəbə və ləzzət aldığımız şey çətinliklərlə doludur. Hələ əldə etdiyimiz şey hər cür məhdudiyyətlə doludur.

Bu ayəni başa düşmək və bu ayəyə kainatda mövcud olan bir qanun və meyar kimi diqqət yetirmək insan övladının bu sıxıntıların içində olduğunu başa düşməyə vadar edir.

Çünki bəzən elə bilirik ki, bəzi insanlar var ki, onların heç bir əziyyət və sıxıntısı yoxdur. Amma onların həyatı belə deyil. Bu dünya çətinlik dünyasıdır.

Dərdsiz, problemsiz ləzzətlər əldə etmək istəyirik. Belə bir dünya da mövcuddur. Amma bu dünyada səy göstərməklə, çətinliklərə dözməklə o əldə edilir.

İnsanı o biri dünyada gözləyən rahatlıq və əmin-amanlıq bu dünyanın çətinliklərini keçici və dözümlü edir. Yəni insanı o biri dünyada gözləyən rahatlığa çatmağın bədəli bu dünyada çəkdiyimiz çətinliklərdir.

« Dekabr 2024 »

Ça