Ayətullah Amuli: “Namaz qılanlar Qiyamətə imanı olanlardır”

Mьəllif: Admin

Tarix: 6-11-2023, 11:46

Ayətullah Amuli: “Namaz qılanlar Qiyamətə imanı olanlardır”

Ayətullah Cavadi Amuli buyurur:

“Namaz qılanlar Qiyamətə imanı olanlardır. Çünki məadı xatırlamaq insanı pak edər. İnsanın bütün çətinlikləri Qiyaməti unutduğuna görədir.

وَالَّذِينَ يُصَدِّقُونَ بِيَوْمِ الدِّينِ

“O kəslər ki, cəza gününü təsdiq edərlər”.[1]

Quran fəsad əhlinin fəsadlarını sayarkən buyurur:

لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ

“Şübhəsiz, Allahın yolundan azanlar üçün hesab gününü unutmalarının müqabilində şiddətli əzab vardır”.[2]

Onlar hesab gününü unutduqlarına görə əzaba duçar olarlar. Namaz qılan Qiyaməti unutmaz, ona imanı olar:

وَالَّذِينَ هُمْ مِنْ عَذَابِ رَبِّهِمْ مُشْفِقُونَ

“O kəslər ki, öz Rəbbinin əzabından qorxarlar”.[3]

Namaz insanı Qiyamət gününə görə qorxudar və məadı xatırlatmaqla xəbərdar edər:

إِنَّ عَذَابَ رَبِّهِمْ غَيْرُ مَأْمُونٍ

“Çünki, Rəbbinin əzabından arxayınçılıq yoxdur”.[4]

İlahi əzabdan kim amanda qala bilər? İnsanın əlində buna görə zəmanət kağızı vardırmı?

Həzrət Peyğəmbər (s) buyurur: “Bilin! Allah-Təala – insanların aləmlərin Rəbbi qarşısında duraçaqları gün – namaz qılanlara və səcdə edənlərə əzab verməyəcəyinə, cəhənnəmdə yandırmayacağına öz izzətinə and içib”.[5]

Hamının qorxacağı gün namaz qılan və səcdə edənlər qorxmazlar. Çünki cəhənnəm odununun səsini eşitməzlər:

لَا يَسْمَعُونَ حَسِيسَهَا

“Onlar onun uğultusunu belə eşitməzlər”.[6]

İmam Sadiq (ə) buyurur: “Namaza başlayarkən sonuncu dəfə namaz qılan kimi namaz qılın. Ola bilər ki, əcəl sizə növbəti namaza çatmağa möhlət verməsin””.[7]

www.ahliman.info

[1] «Məaric» surəsi, ayə 26.

[2] «Sad» surəsi, ayə 26.

[3] «Məaric» surəsi, ayə 27.

[4] «Məaric» surəsi, ayə 28.

[5] «Ərbəin» Şeyx Bəhai, hədis 9.

[6] «Ənbiya» surəsi, ayə 102.

[7] «Əmali» Şeyx Müfid səh. 212.

« Oktyabr 2024 »

Ça