Ata və ana gərək qarğışdan çəkinsinlər. Onların qarğışı tez həyata keçər

Mьəllif: admin1

Tarix: 11-11-2021, 10:37

Ata və ana gərək qarğışdan çəkinsinlər. Onların qarğışı tez həyata keçər

Nifrin, lənət və qarğış – ölmək üçün edilən pis dualardır. Quranda da lənət sözünə rast gəlmək olur. Allahın lənət etməsinin mənası – kimisə Öz rəhmətindən uzaq tutmasıdır, axirətdə beləsini əzab və cəza gözləyər. Bəndələrin etdiyi nifrin isə başqasının ziyanı üçün dua etməkdir.

Qurani-Kərimə nəzər salanda görmək olur ki, Allah Təala bəzi insanları lənət edir. O cümlədən: “Əbu Ləhəbin hər iki əli kəsilsin, ziyana uğrasın və ölüm olsun ona!”. (“Məsəd” 1).

“Allahın lənəti olsun zalımlara!”. (“Hud” 18).

“Şübhəsiz, Allahı və Onun Rəsulunu incidənlərə Allah dünyada və axirətdə lənət etmiş (Öz rəhmətindən uzaqlaşdırmış) və onlar üçün xaredici bir əzab hazırlamışdır”. (“Əhzab” 57).

“Beləliklə öz əhd-peymanlarını pozduqlarına görə onlara lənət etdik”. (“Maidə” 13).

İmam Sadiq (ə) buyurur: “Nə zaman bir insan zülmə məruz qalarsa və zalımı lənət etməyə başlayarsa, Allah Təala ona buyurar: “Necə ki, sən öz zalımına nifrin edirsən, başqa birisi sənin zülmündən sənə nifrin edir””.

İmam Baqir (ə) buyurur: “O zaman ki, qarğış və ya nifrin bir insanın ağzından çıxar, qarğış, edənlə göndərdiyi insan arasında şəkk edər. Əgər həmin insan nifrinə layiq olarsa, ona aid olar. Əgər olmazsa, sahibinə geri qayıdar”.

İmam Sadiq (ə) buyurur: “Məzlumun lənətindən qorxun ki, məzlumun lənəti səmaya qalxar”.

Həzrət Sadiq (ə) başqa yerdə buyurur: “Məzlumun lənətindən qorxun, həqiqətən o, haqqını Allahdan istəyər. Allah ondan da əzizdir ki, haqq istənilsin, məgər o halda ki, onu yerinə yetirsin”.

Həyatımızda valideynlərimizə etdiyimiz hörmət və ya kobudluq bizim taleyimizi həll edə bilər. Bu dağıdıcı təsirlər o zaman öz zirvə nöqtəsinə çatar ki, ananın sinəsindən qarğış çıxar və övladını hörmətsizlik etdiyi üçün lənətləyər. Bu zaman Allah onun hakimi və hökm verəni olar.

Həzrət Peyğəmbər (s) buyurur: “Atanızın qarğış etməsindən kəskin şəkildə çəkinin. Çünki belə qarğış buludu belə yarar və yuxarı qalxar. Allahın diqqətinə səbəb olar.

O yerə qədər ki, Allah Təala buyurar: “Həmin qarğışı Mənim yanıma gətirin ki, onu həyata keçirim”.

Ona görə də atanın qarğış etməsindən kəskin şəkildə çəkinin ki, qılıncdan daha kəsicidir”.

Ata və ananın qarğışı həyata keçər. Amma əziz valideynlərə məsləhətimiz budur ki, övladlarını lənətləməsinlər.

Həzrət Nuh (ə) övladı üçün dua edir. Allah Quranda buyurur: “Bu övlad sənin əhlindən deyildir”.

Əlbəttə, Həzrət Nuh (ə) öz xahişində təkid etmir, bağışlanma da istəyir. Yaxşı olar ki, övladı hər nə qədər hörmətsizlik etsə də, valideyn ona qarğış etməsin.

Hər bir kiçik münaiqişədə dilini qarğış üçün açmasın. Əgər bu qarğışlar həyata keçərsə, valideyn nə qədər üzülər və əziyyət çəkər?

Ona görə də bu məsələdə kamil ehtiyata riayət etmək lazımdır ki, nifrinin pis nəticələri bizi əhatə etməsin.

/Deyerler.org/

« Noyabr 2024 »

Ça