Mən ki, möminəm, Nəkir və Münkir nəyə lazımdır?

Mьəllif: admin1

Tarix: 14-05-2022, 11:50

Qəbrin ilk gecəsi bütün insanlar kimi məni də çox qorxudur. Gecələri onun qorxusundan dəfələrlə yuxudan sıçrayaraq ayılmışam. Eşitmişəm ki, qəbirin ilk gecəsində Nəkirlə Münkər adlı iki mələk insanı sorğu-sual etmək üçün gələrlər.

Bu qorxumu aradan qaldırmaq üçün bir ruhaniyə müraciət etdim və o, mənə dedi ki, əzizim, insan qəbrə qoyulan zaman ilk onun yanına gələn mələklər Nəkirlə Münkər olar.

Bu iki mələyin qorxulu simaları vardır və qəbrə daxil olmaqları hər bir insanı dəhşətə salar. Səsləri ildırıma bənzəyər və baxışları təndir kimidir.

Həzrət Peyğəmbər (s) bu iki mələyi belə təsvir etmişdir: “Bu iki mələk sərt və kobuddur. Səsləri çaxan ildırım kimidir, gözləri işıq kimi gözqamaşdırıcıdır. Saçları ayaqlarının altında qalar və onların üzərində yeriyərlər. Yeri yarmaq və səndən sorğu-sual etmək üçün dişləri vardır”.

İmam Səccad (ə) bu mələklər haqqında buyurmuşdur: “Pərəstiş etdiyin Allahdan, sənə məbus olan Peyğəmbərdən (s), malik olduğun dindən, oxuduğun kitabdan, ardıcılı olduğun İmamdan (ə), arxada qoyduğun ömürdən, əldə etdiyin və xərclədiyin maldan soruşarlar”.

Başqa bir hədisdə oxuyuruq ki, qiblədən, dostlarından, namazından, zəkat və orucundan suallar verərlər.

Bəli, bu iki mələk kafirə qorxulu simada nazil olar, ancaq möminə müjdə verəndir. Belə ki, İmam Sadiqdən (ə) soruşurlar ki, bu iki mələk kafirlə və möminə eyni cür daxil olar? İmam (ə) buyurur: “Xeyr”.

Məsumlardan (ə) bizə çatan dualardan belə bir nəticə əldə etmək olur ki, Nəkir və Münkər küfrü və fəsadı sorğu-sual etmək üçün gələrlər. Möminlərə isə bəşir və müjdə verən sifəti ilə nazil olarlar.

İmam Sadiqin (ə) Rəcəb ayında oxuduğu duada buyurur: “Allahım, Nəkirlə Münkəri – ölülərdən sorğu-sual edən o iki mələyi məndən uzaq et və Bəşir və Mübəşşiri ki, səadət müjdə verənidir – mənə göstər”.

Bu dünyada hər nə əksək, axirətdə də onu yığacağıq. Əgər kafir olsaq, bu iki mələk bizə qarşı Nəkir və Münkər olacaqdır, əgər mömin olsaq – Bəşir və Mübəşşir.

/Deyerler.org/

« Noyabr 2024 »

Ça