Ayətullah Cavad Amuli: “Ölüm və qəbir məsələsi o qədər mühümdür ki, insanın bildikləri belə yadından çıxır”

Mьəllif: admin1

Tarix: 13-04-2020, 11:16

Ayətullah Cavad Amuli: “Ölüm və qəbir məsələsi o qədər mühümdür ki, insanın bildikləri belə yadından çıxır”

Ayətullah Cavad Amuli təfsir dərsində buyurmuşdur: “Övlad və mal-dövlət bu dünyada olan zinətlərdir. Ancaq bunlar insanın zinəti deyildir. Quran ayələrinə nəzər salaraq, demək olar ki, iman, elm, ədəb və ağıl insanın zinətidir.

İmam Kazım (ə) buyurmuşdur: “Bəşər əvvəllər yuxu görmürdü, sonradan görməyə başladı”.

Soruşurlar ki, bunun səbəbi nədir? Həzrət buyurur: “Allah Təala bir rəsul məbus edir, o, da insanları ibadət və itaətə dəvət edir. İnsanlar deyirlər ki, əgər sənin dəvətini yerinə yetirsək, bizim bu işdə xeyrimiz nə olacaqdır?

Sənin mal və nəsil cəhətdən bizdən üstünlüyün yoxdur? Həmin peyğəmbər (ə) buyurur: “Əgər mənə itaət etsəniz, Allah sizi behiştə daxil edər. Əgər boyun qaçırsanız, cəhənnəmə daxil edər”.

Dedilər ki, behiştlə cəhənnəm nədir? Peyğəmbər (ə) də behiştlə cəhənnəmi onlara başa saldı. Soruşdular: “Nə vaxt oraya gedəcəyik?”

Buyurdu: “Ölən zaman”.

Dedilər: “Biz ölülərimizi görürük ki, onlardan ancaq sümükləri qalır. Ona görə də peyğəmbəri inkar etdilər”.

Allah da yuxunu onlara göndərdi. İnsanlar peyğəmbərin (ə) yanına gəlib, bunun nə olduğunu soruşurlar. Buyurur ki, Allah Təala bu cür iradə etmişdir ki, ruhunuzun necə olduğunu belə biləsiniz. Ölümdən sonra isə ruhunuz əzabda olacaqdır”.

Əgər insan çox yeyən olarsa, ruhunun bütün səyləri bu sahədə olacaqdır. Sanki bir həkimin əlinə bir əl maşını verirlər ki, şəhəri təmizləsin. O, şəhəri təmizləyir, ancaq onun bu əməyinə heyfdir. Ancaq əgər az yeyən olarsa, ruhu rahat olar, bədəni də düzgün idarə edər.

Yuxuda da bu bədəni ilə səyahət edər. Hərəmlərə, müqəddəs yerlərə gedər. Yaxşı insanlarla söhbət edər, gözəl bir yuxu nəsibi olar.

İmam Baqir (ə) buyurur: “O zaman ki, meyit qəbrə daxil olur, ruhu cəsədinə qayıdır. İki mələk gəlir və onu sorgu-sual edirlər”.

İmam Baqir (ə) bu hədisi nəql edən zaman ağlamışdır, ölüm və qəbir məsələsi o qədər mühümdür ki, bədihi olan şeylər yaddan çıxır.

Baxmayaraq ki, dinin əlifbasını soruşurlar, nə fiqhi, nə fəlsəfi və nə üsuli suallar verirlər, Allahdan, dindən soruşurlar. Bir müsəlmandan soruşurlar ki, dinin nədir?

Yadına düşmür. Əgər o, həqiqi müsəlman olarsa və din onun üçün bir mələkəyə çevrilərsə o zaman Allahını, peyğəmbərini xatırlayar. O kəs ki, nizamlı olaraq, namaz qılır, azanı, iqaməni və şəhədətləri deyir, qəbirdə sual verəndə Həzrətin mübarək adını çəkər, Əhli-beytin (ə) adını çəkər. Ancaq o kəs ki, namaz əhli deyildir, onun yadına düşməyəcəkdir”.

(Deyerler.org)

« Noyabr 2024 »

Ça