Deyerler.Org: Misir hökuməti Tehranda təşkil edilən 31-ci Beynəlxalq Quranı-Kərim müsabiqəsinə qatılan misirli qarilər haqqında cinayət işi açıb. Hadisə ölkədə və dünyada böyük etiraz doğurub, - FHA.

Tehranda keçirilən 31-ci Beynəlxalq Quranı-Kərim yarışlarının başa çatmasına bir neçə saat qalmış Misirdən belə bir xəbər gəlib. Xəbər müsabiqəni təşkil edənləri və iştirakçıları dərindən üzüb. Məsələ ilə bağlı ilkin xəbər verən Misir mətbuatı bildirir ki, 31-ci Beynəlxalq Quranı-Kərim müsabiqəsinə qatılan misirli qarilər barəsində istintaq hərəkətlərinə başlanılıb. Xəbərdə qərarın səbəbi kimi Misir qarilərinin Misir Qarilər Mərkəzinin icazəsi olmadan İrana səfər etmələri açıqlanıb.