İslam mənbələrində (ayə və rəvayətlərdə) bu adət-ənənələri qətiyyətlə təsdiq və ya inkar edən dəlil mövcud deyil. Buna əsasən, bu adətlərin həyata keçirilməsinin haram olub olmaması şəraitdən aslıdır və ümumi məsələləri nəzərə alaraq bu barədə hökm irəli sürmək olar:
1.Əgər axır çərşənbə atəşpərəstlik və yaxud başqa şirk simvolu sayılır və həmin məqsədlə də həyata keçirilirsə, keçmişdə olduğu kimi, xurafat sayılır, İslamda məhkum olunub və həyata keçirilməsi də haramdır.
2.Amma adətən müsəlmanlar bu adət-ənənələri atəşpərəstlik məqsədi ilə həyata keçirtmirlər. Buna görə də əgər ilin axır çərşənbəsi yalnız əyləncə məqsədi ilə keçirilərsə (başqalarını incitməmək, narahat etməmək və malı israf etməmək şərti ilə), baxmayaraq ki, bunu keçirtmək zərurət kəsb etmir, amma haram deyil. (İdrakİnfo)