Ötən gündən həzrət Əbəlfəzl Abbas (ə) Ağanın qəbrinin yeni hazılranmış zərihi məhdud şəkildə zəvvarların üzünə açılıb.
Maide.az xəbər verir ki, mütəhhər hərəmə ilk girən zəvvarlar göz yaşlarını saxlaya bilməyiblər və yeni zərihi hazırlayan və quraşdıran şəxslərə öz minnətdarlıqlarını bildiriblər.

Yeni zərihin Rəcəb ayının 13-də Həzrət Əlinin (ə) mübarək mövlud günündə rəsmi şəkildə ziyarətə açılacağı açıqlanıb. Bununla da bu mərasimin Əmirəlmönin Əliyə (ə) hədiyyə edildiyi ifadə edilib. Həmçinin rəcəb ayının 12-ə şam namazından sonra Həzrət Abbas (ə) hərəmində daxili və xarici qonaqların iştirakı ilə mərasim keçiriləcək.
Qeyd edək ki, həzrət Abbas (ə) qəbrinin zərihi beş il müddətinə hazırlanıb. Zərihin hazırlanmasında 411 kq qızıl və 2750 kq gümüş istifadə olunub.