Qəhvə maddəsini həddindən artıq qəbul etməyin nə qədər ziyanlı olduğu hamı üçün məlumdur. Lakin unutmamaq da lazımdır ki, normadan kənara çıxmasaq, qəhvə olduqca faydalıdır və istehlakı məsləhətlidir. Bunun ən əsas səbəbi isə, tərkibində olan nadir və zəngin vitaminli maddələrdir. Onlar sayəsində bir çox xəstəliklərin qarşısı alınır. Xüsusən də, ürək xəstəlikləri və insult riskini azalda bilir.

2002-ci ildən bəri Hollandiyada aparılan araşdırmada 17.111 insan iştirak etmişdir. Nəticədə bəlli olub ki, 7 fincandan artıq qəhvə içmək diabet rikini 2 dəfə, 5 fincandan artıq qəhvə içmək isə, insult riskini 36% azaldır. Bu isə olduqca yüksək rəqəmdir. Bundan əlavə, qəhvə içmək baş ağrılarına müsbət təsir bəxş edir. Xüsusən də, miqrenin aradan qalxmasına yardım edir. Bunun səbəbi isə, çox sadədir. Belə ki, qəhvənin tərkibində ən azı 200 mq kofein mövcuddur. Bu isə, bir çox problemlərin həlli üçün əla vasitədir.

Saydığımız müsbət xüsusiyyətlər həddindən artıq qəhvə qəbul edildikdə mənfi xüsusiyyətlərə çevrilə bilər. Bu səbəbdən də, hər şeyi normada saxlamaq ən yaxşısıdır.

Deyerler.org