ABŞ-da 2001-ci ilin 11 sentyabr hücumlarında həlak olanların ailələrinə Səudiyyə Ərəbistanı əleyhinə iddia qaldırmaq imkanını verən qanun layihəsi ABŞ Konqresinin Nümayəndələr Palatasındakı səsvermədə qəbul olunub.
Deyerler.org xarici mətbuata istinadən xəbər verir ki, bir Demokrat və bir Respublikaçı senator tərəfindən hazırlanan və may ayında yekdilliklə Senatdan keçən layihə, ABŞ Konqresinin Nümayəndələr Məclisində də rahat qəbul olunub.

ABŞ mətbuatında yazılan xəbərlərə görə, Nümayəndələr Palatasında qəbul edilən layihə "11 sentyabr" hücumlarının 15-ci il dönümündən əvvəl təsdiqlənməsi üçün ABŞ prezidenti Barak Obamanın masasına göndəriləcək. Ancaq Ağ Ev-dən dünən verilən açıqlamada, Obamanın layihəni veto edəcəyi bildirilmişdi.

Obamanın Konqresin hər iki qanadından da keçən layihəni veto etməsi üçün 10 gün vaxtı var. Obama 10 gün ərzində veto etməyəcəyi təqdirdə layihə avtomatik olaraq qanuniləşəcək.

Qeyd edək ki, 11 sentyabr hadisələrində iştirak edən 19 terrorçudan 11-nin Səudiyyə vətəndaşı olduğu açıqlanmışdı.

Deyerler.org