İlk dəfə olaraq əhli-sünnət məzhəbindən olan 60 nəfər iranlı zəvvar Ərbəin ziyarətində iştirak etmək üçün Kərbəlaya yola düşüb.

Maide.Az xəbər verir ki, İranın Kürdistan, Sistan və Bəluçistan və Xorasan Rəzəvi əyalətlərindən əhli-sünnət məzhəindən olan din xadimləri, ictimai və mədəni fəallar Kərbəlanı ziyarət edəcəklər.

Zəvvarlar 7 günlük İraq səfəri zamanı ilk öncə Nəcəf şəhərində İmam Əlinin (ə) hərəmini ziyarət edəcəklər, daha sonra piyada Kərbəlaya yürüş edəcəklər və Imam Hüseyn (ə) və Həzrət Abbasın (ə) hərəmlərini ziyarət etdikdən sonra Bağdada səfər edib, orada cənab Əbu Hənifə və Qütb Gilaninin qəbrlərini ziyarət edəcəklər. (farsnews)