Sionist İsrail rejiminin müdafiə naziri Aviqdor Liberman İsrail rejimi qüvvələrinin sionist gəlmələrin təhlükəsizliyini təmin etmək məqsədi ilə Suriyaya hücumları davam etdirəcəklərini bildirib.

Deyerler.org Yaxın Şərq KİV-lərinə istinadən xəbər verir ki, Liberman iyunun 26-da Knessetin təhlükəsizlik və xarici əlaqələr komitəsinin iclasında etdiyi çıxışında bu barədə açıqlama verib. Liberman Suriya ordusunun mövqeləri istiqamətində hava və artilleriya hücumlarına davam edəcəklərini söyləyib.

Kuneytra bölgəsində Suriya ordusu mövqelərini ardıcıl 3 gün raket ilə havadan və qurudan hədəfə aldıqlarını deyən sionist İsrail rejiminin müdafiə naziri, hücumlar nəticəsində Suriya vətəndaşları və əsgərlərinin öldüyü və yaralandığını söyləyib.

İsrail rejimi Suriya ərazilərindən şənbə və bazar günlərində işğal altındakı Fələstin torpaqlarına minaatandan hücum edildiyi bəhanəsi ilə Kuneytra bölgəsində Suriya ordusunun mövqelərinə hücum edib.