Ali dini rəhbər: “Harada köməyimizə ehtiyac varsa, ora çatacağıq”

Mьəllif: admin1

Tarix: 23-11-2017, 23:43

Ali dini rəhbər: “Harada köməyimizə ehtiyac varsa, ora çatacağıq”

Ali dini rəhbər Ayətullul-üzma Seyid Əli Xamenei noyabrın 23-ü səhər saatlarında “Əhli-beyt (ə) sevərlər və təkfirçilik məsələsi” beynəlxalq konfransına qatılan qonaqları qəbul edib.

Deyerler.org Mehr-ə istinadən xəbər verir ki, Ali dini rəhbər Ayətullul-üzma Seyid Əli Xamenei qonaqlar qarşısında çıxış edərək belə danışıb: “Əhli-Beyt (ə) sevgisi təkcə şiələrə məxsus deyil. Peyğəmbərimizin (s) adı müsəlmanlar arasında birlik və bərabərliyə səbəb olduğu kimi, Əhl-Beyt (ə) sevgisi də birlik və bərabərlik səbəbi ola bilər. Günümüzdə İslam dünyasının bu sevgi və həmrəyliyə çox ehtiyacı var.

Günümüzdə İslam dünyası ağır yaralar almışdır. İslam düşmənləri müharibə və münaqişə törədərək, İslam dünyasına zərbə vurub, özlərinə təhlükəsizlik çətiri formalaşdırdıblar. Qərbi Asiyada sionist İsrail rejimi etibarda olduğu halda müsəlmanlar bir-birilə vuruşur”.
İslam dünyasında ən əhəmiyyətli məsələnin Fələstin olduğunu diqqətə çatdıran Ali dini rəhbər Ayətullul-üzma Seyid Əli Xamenei, sözlərini belə davam etdirib: “Fələstin İslam dünyasının birinci məsələsidir. Çünki işğal edilmiş bu İslam torpağı, region ölkələrinin təhlükəsizliyini hədəfə alan bir regiona çevrilmişdir. Bu xərçəng şişinə (İsrail rejimi) qarşı mübarizə aparılmalıdır.

Din alimi adına birinin sionistlərə qarşı mübarizəni haram elan edib, icazəli olmadığını deməsi faciədir. Bəziləri İslam dünyasının məsləhətləri və Qurani-Kərimdəki, “Kafirlərə qarşı sərt, öz aralarında rəhmlidirlər” ayəsinə zidd davranırlar.

Ümid edirik ki, bir gün Fələstin torpaqları Fələstin xalqına geri qayıdacaq. O gün İslam dünyasının bayram günüdür və istikbara əsl bir zərbə vurulacaq. O gün gələcək”.

Ali dini rəhbər çıxışının sonunda bunları qeyd edib: “Təxminən 40 ildir ki, İran İslam Respublikası yaradılmışdır. İlk gündən etibarən Amerika bizə qarşı düşmənçilik etmişdir. Təxribat, sanksiya, hərbi təcavüz və nə edə biləcəkləri var idisə ediblər. Ancaq onların istəyinə baxmayaraq, nizamlı şəkildə irəliləməyi bacardıq. Günümüzdə İslam Respublikası 35 il əvvəl ilə müqayisə oluna bilməz. Onlar bizi məhv etmək istəyirdilər, amma böyük Allah bizi gücləndirdi. Bu an güclü bir mövqedə sözümüzü açıq deyirik. Hər hansı bir yerdə bizim varlığımıza ehtiyac olsa, yardım edərik. Bunu da açıq-aydın elan edirik. Küfr dünyasına qarşı çıxmaqda heç kimdən qorxmuruq”.

« Dekabr 2024 »

Ça